लोणी काळभोर : कुटुंब साखर झोपेत असल्याचा फायदा घेऊन अज्ञात चोरट्यांनी घरफोडी करून घरातील रोख रकमेसह पावणे ४ लाख रुपयांच्या सोन्याचे दागिने चोरून नेल्याची घटना घडली आहे. हि घटना तरडे (ता. हवेली) ग्रामपंचायत हद्दीतील जगताप मळा परिसरात शनिवारी (ता.६ जानेवारी) मध्यरात्री दोन ते पहाटे साडे पाच वाजण्याच्या सुमारास घडली आहे.
याप्रकरणी वैभव जगताप (वय-३१, रा. तरडे जगताप मळा, हवेली, पुणे) यांनी लोणी काळभोर पोलीस ठाण्यात फिर्याद दिली आहे. त्यानुसार लोणी काळभोर पोलीस ठाण्यात अज्ञात चोरट्यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी वैभव जगताप हे तरडे येथील जगताप मळा परिसरात कुटुंबासोबत राहतात. जगताप हे शनिवारी रात्री कुटुंबासोबत घरी झोपले होते. तेव्हा अज्ञात चोरट्यांनी जगताप यांच्या घराच्या लाकडी दरवाज्याची कडी कोयंडा उचकटून घरामध्ये प्रवेश केला.
त्यानंतर चोरट्यांनी घरातील लोखंडी कपाटात ठेवलेले रोख रक्कम ४७ हजार रुपये व सोन्याचे दागिने असा एकूण ३ लाख ६५ हजार पाचशे रुपयांचा ऐवज चोरून नेला. हि घटना शनिवारी (ता.६) मध्यरात्री दोन ते पहाटे साडे पाच या दरम्यान घडली आहे.
याप्रकरणी जगताप यांनी लोणी काळभोर पोलीस ठाण्यात फिर्याद दिली आहे. त्यानुसार लोणी काळभोर पोलीस ठाण्यात अज्ञात चोरट्यांच्या विरोधात गुन्हा दाखल करण्यात आला आहे. पुढील तपास लोणी काळभोर पोलीस ठाण्याचे वरिष्ठ पोलीस निरीक्षक शशिकांत चव्हाण यांच्या मार्गदर्शनाखाली पोलीस उपनिरीक्षक अमोल घोडके करीत आहेत.
