Chakan Crime: चाकण (पुणे): उघड्या असलेल्या दरवाजे वाटे अवघ्या एक तासात सोन्याचे दागिने व रोख रक्कम चोरीला गेल्याची घटना शनिवार २४ नोव्हेंबर रोजी चाकण येथील राणूबाईमळा परिसरात दुपारी पाच ते सहाच्या दरम्यान घडली. या प्रकरणी एका महिलेने चाकण पोलीस ठाण्यात फिर्याद दिली आहे. फिर्यादीवरून अज्ञात व्यक्तीविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी महिला यांच्याकडून त्यांच्या घराचा दरवाजा अर्धवट उघडा राहिला होता. यावेळी चोराने या दरवाजा वाटे घरात प्रवेश करत घरातील बॅगेतून सोन्याचे दागिने व रोख ,रक्कम मोबाईल असा एकूण ६७ हजार पाचशे रुपयांचा मुद्देमाल चोरून नेला. यावरून चाकण पोलिसांनी गुन्हा दाखल केला असून पोलीस चोराचा शोध घेत आहेत.
