संतोष पवार
पळसदेव, (पुणे) : शिक्षक – शिक्षकेत्तर कर्मचारी हे शिक्षण व्यवस्थेचा कणा असुन शिक्षण क्षेत्रातील प्रलंबित मागण्या प्रश्नांसंदर्भात शासन दरबारी पाठपुरावा करणार असल्याचे प्रतिपादन महाराष्ट्र राज्य शिक्षण संस्था महामंडळाच्या अध्यक्षा खासदार सुप्रिया सुळे यांनी केले .
‘संस्थाचालक शिक्षण मंडळ, पुणे ग्रामीण’ या संस्थेच्या कार्याचा आढावा घेण्याच्या उद्देशाने महाराष्ट्र राज्य शिक्षण संस्था महामंडळाच्या अध्यक्ष खासदार सुप्रिया सुळे यांच्या प्रमुख उपस्थितीत गुरुवारी (ता. 30) पुण्यातील निसर्ग मंगल कार्यालयात विशेष बैठकीचे आयोजन करण्यात आले होते. यावेळी त्या बोलत होत्या.
यावेळी संस्थाचालक शिक्षण मंडळ पुणे ग्रामीणचे अध्यक्ष विजय कोलते, महाराष्ट्र राज्य शिक्षण महामंडळाचे कार्यकारी सचिव विजय गव्हाणे, कार्याध्यक्ष अनिल मेहेर, सहसचिव ॲड संग्राम देशमुख, मानद सचिव प्रमिला गायकवाड, सचिव शिवाजी घोगरे, राष्ट्र सेवा दल संचालित शिक्षण प्रशासक मंडळाचे सचिव तथा राज्य शिक्षकेत्तर महामंडळाचे सरकार्यवाह शिवाजी खांडेकर तसेच पुणे जिल्ह्यातील विविध शिक्षण संस्थांचे संस्थाचालक, पदाधिकारी, मुख्याध्यापक आदीं मोठ्या संख्येने उपस्थित होते.
यावेळी वेतनेतर अनुदान हे चालू असलेल्या वेतन आयोगाप्रमाणे म्हणजेच सातव्या वेतन आयोगा प्रमाणे मिळाले पाहिजे, शिक्षकांची रिक्त पदे ही चालू वर्षाच्या म्हणजे 24-25 च्या संचमान्यतेनुसार वर्षातून दोन वेळा भरण्यासाठी पवित्र प्रणालीवर संधी मिळाली पाहिजे.
यावेळी वेतनेतर अनुदान हे चालू असलेल्या वेतन आयोगाप्रमाणे म्हणजेच सातव्या वेतन आयोगा प्रमाणे मिळाले पाहिजे, शिक्षकांची रिक्त पदे ही चालू वर्षाच्या म्हणजे 24-25 च्या संचमान्यतेनुसार वर्षातून दोन वेळा भरण्यासाठी पवित्र प्रणालीवर संधी मिळाली पाहिजे. शाळांमध्ये शिक्षकेत्तर कर्मचाऱ्यांची पदभरती त्वरित करण्यात यावी व चतुर्थ श्रेणी कर्मचारी पूर्वीप्रमाणे मिळावेत., शालेय पोषण आहार शालेय पुस्तके किंवा गणवेश हे अनुदानित बरोबरच विनाअनुदानित शाळांतील मुलांना देखील मिळाले पाहिजे, प्रॉपर्टी टॅक्स लाईट बिल किंवा पाणी बिल यातून शालेय संस्थांना सवलत मिळाली पाहिजे यांसह विविध मागण्या सुप्रिया सुळे यांच्याकडे यावेळी मांडण्यात आल्या.
दरम्यान, या मागण्यांसदर्भात राज्याचे शालेय शिक्षण मंत्री दादा भुसे यांच्याकडे आपण पाठपुरावा करू, असे आश्वासन सुप्रिया सुळे यांनी दिले. कार्यक्रमाचे प्रास्ताविक विजय कोलते यांनी केले. तर अजित वडगावकर यांच्या पसायदानाने कार्यक्रमाची सांगता झाली.
