दीपक खिलारे
इंदापूर : शिवसेनाप्रमुख हिंदूहृदयसम्राट बाळासाहेब ठाकरे यांची ९३ वी जयंती इंदापूर शिवसेना (ठाकरे गट) कडून तालुक्यात विविध उपक्रमांनी साजरी करण्यात आली.
यावेळी शिवसेना (ठाकरे गट) च्या वतीने शहरातील शिवसेना जनसंपर्क कार्यालय याठिकाणी स्व. बाळासाहेब ठाकरे यांच्या प्रतिमेचे पूजन करण्यात आले. यानंतर उपजिल्हा ग्रामीण रुग्णालयातील रुग्णांना व आश्रमशाळेतील विद्यार्थ्यांना फळांचे वाटप करण्यात आले.
तसेच तालुक्यातील निमसाखर, निमगाव केतकी, सणसर, रेडा, शेटफळ हवेली, भिगवण, तक्रारवाडी या गावांमध्ये देखील ठाकरे गटाच्या वतीने विद्यार्थ्यांना शालेय साहित्य व खाऊचे वाटप करण्यात आले.
यावेळी जिल्हा समन्वयक भिमराव भोसले, विशाल बोंद्रे, तालुकाप्रमुख नितीन शिंदे, तालुका समन्वयक अरुण पवार, संघटक सुदर्शन रणवरे, शहरप्रमुख महादेव समोवंशी, उपतालुकाप्रमुख सोमनाथ शेंडे, धोंडीराम सोनटक्के, युवा सेनातालुका अधिकारी सचिन इंगळे, शहर समन्वय संजय खंडाळे, उपशहर प्रमुख बंडू शेवाळे, संतोष शिरसागर, युवा सेना शहर अधिकारी अविनाश खंडाळे, विभाग प्रमुख अंकुश गलांडे, रणजित बारवकर, ज्येष्ठ शिवसैनिक गोरख कदम, माजी शहर प्रमुख अनिल परदेशी व आजी-माजी पदाधिकारी व शिवसैनिक उपस्थित होते.
