दौंड, (पुणे) : माहेरहून बुलेट गाडी घेण्यासाठी एक लाख रुपये घेऊन ये म्हणत एका 25 वर्षीय विवाहितेचा मानसिक व शारीरिक छळ करून उपाशी ठेवल्याचा प्रकार दौंड परिसरात उघडकीस आला आहे. याप्रकरणी सासू, सासरे, पती व दिरावर दौंड पोलीस ठाण्यात गुन्हा दाखल करण्यात आला आहे. हा प्रकार 09 एप्रिल 2020 रोजी ते 22 फेब्रुवारी 2025 च्या दरम्यान दौंड गावचे हद्दीत SRPF गृप नं 7 येथे घडला आहे.
सासू सुमन सुरेश मोरे, सासरे सुरेश नागनाथ मोरे, पती किरण सुरेश मोरे, दिर नितीन सुरेश मोरे (सर्व रा. टाकळी मिया ता. राहुरी जि. अहिल्यानगर) असे गुन्हा दाखल करण्यात आलेल्या चौघांची नावे आहेत. याप्रकरणी वैष्णवी किरण मोरे (वय 25, मुळ रा. मियाटाकळी ता. राहुरी जि. पुणे सध्या रा. वाल्हेकरवाडी, भोंडवेवस्ती, प्रेरणा शाळेजवळ, पिंपरी चिंचवड), यांनी दौंड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, वैष्णवीचे पती आरोपी किरण मोरे हे वैष्णवीला तुझ्या आई वडीलांकडुन माझ्यासाठी बुलेट मोटरसायकल घेण्याकरीता 1 लाख रूपये घेऊन ये असे म्हणायचे. तसेच शिवीगाळ करीत असत. फिर्यादी वैष्णवी यांनी हि गोष्ट त्यांची सासू सुमन मोरे -सासरे सुरेश मोरे व दिर नितीन मोरे हे दौंड येथे राहिला आल्यानतंर सदरबाबत त्यांना सांगितले होती. त्यांनीही देखील किरण मोरे यांची बाजू घेवून फिर्यादीशी वाद घालून शिवीगाळ करीत होते.
तु एकलुती एक मुलगी असून देखील तुझे वडील 1 लाख रूपये का देवू शकत नाही असे म्हणून मानसिक व शाररीक छळ करून उपाशी पोटी ठेवून जाचहट करू लागले. पती किरण मोरे व सासू सुमन मोरे -सासरे सुरेश मोरे व दिर नितीन मोरे यांच्याकडून जाचाला कटाळून सदर झाला प्रकार फिर्यादींनी त्यांचे वडील बाळासाहेब अर्जुन चव्हाण यांना सांगून विचारविनीमय करून रोजी दौंड पोलीस ठाण्यात फिर्याद दिली आहे.
दरम्यान, वैष्णवी मोरे यांनी दिलेल्या तक्रारीनुसार सासू सुमन सुरेश मोरे, सासरे सुरेश नागनाथ मोरे, पती किरण सुरेश मोरे, दिर नितीन सुरेश मोरे यांच्याविरुद्ध भा.न्या.संहिता कलम 85,115(2),351(2),3(5) नुसार दौंड पोलीस ठाण्यात गुन्हा दाखल करण्यात आला आहे. तपास पोलीस हवालदार गायकवाड करीत आहेत
