भिगवण : अनेक नाट्यमय घडामोडींनंतर अखेर भिगवणच्या उपसरपंचपदी सत्यवान भोसले यांची बिनविरोध निवड करण्यात आली. उपसरपंच मुमताज जावेद शेख यांनी राजीनामा दिल्याने हे पद रिक्त झाले होते. त्या जागी निवडणूक घेण्यात आली. सरपंच दीपिका क्षीरसागर यांच्या अध्यक्षतेखाली पार पडलेल्या सभेत ही उपसरपंच पदाची निवड पार पडली.
निर्धारित वेळेमध्ये सत्यवान भोसले यांचा एकमेव अर्ज आल्याने त्यांची उपसरपंचपदी बिनविरोध निवड झाल्याचे ग्रामविकास अधिकारी दत्तात्रय परदेशी यांनी जाहीर केले. गेल्या चार वर्षांपासून उपसरपंच पदासाठी अनेक जण इच्छुक होते. यावेळी माजी सरपंच पराग जाधव, तुषार क्षीरसागर संजय देहाडे, ग्रामपंचायत सदस्य, महिला व ग्रामस्थ उपस्थित होते.
