Pune News : पुणे : पुणे वाहतूक शाखेने कोरेगाव पार्क, येरवडा, मुंढवा या भागांमध्ये होणारी वाहतूक कोंडी टाळण्यासाठी मोठा निर्णय घेतला आहे. या भागातील रस्ते सकाळी व सायंकाळी अवजड वाहनांसाठी बंद ठेवण्यात येणार आहेत.
वाहतूक कोंडी टाळण्यासाठी निर्णय
वाहतूक शाखेचे पोलीस उपायुक्त विजयकुमार मगर यांनी याबाबतचे आदेश दिले आहेत. त्यानुसार, येथील रस्त्यांवर ८ ते दुपारी १२ आणि सायंकाळी ६ ते रात्री १ पर्यंत जड वाहनांना मनाई असेल. (Pune News) नगर रस्त्यावरून शास्त्रीनगर चौक आणि रामवाडी चौक येथून आगाखान पूल मार्गे कोरेगाव पार्क, तसेच मुंढव्याकडे जाणाऱ्या रस्त्यावर दररोज सकाळी आणि सायंकाळी गर्दीच्या वेळेत अवजड वाहनांना मनाई करण्यात आली आहे.
नगर रस्त्यावरून शास्त्रीनगर चौक आणि रामवाडी चौक येथून आगाखान पूलमार्गे कोरेगाव पार्क, तसेच मुंढव्याकडे जाणाऱ्या रस्त्यावर दररोज सकाळी आणि सायंकाळी गर्दीच्या वेळेत जड वाहनांना मनाई करण्यात आली आहे.
कोरेगाव पार्क परिसरातून साऊथ मेन रस्ता, नॉर्थ मेन रस्ता, बर्निंग घाट रस्त्यावरुन एबीसी फार्म हाऊस चौकमार्गे कल्याणीनगर आणि मुंढव्याकडे जाणाऱ्या रस्त्यावर जड वाहनांना मनाई करण्यात आली आहे. (Pune News) मुंढव्यातील ताडीगुत्ता चौकातून कोरेगाव पार्क येणाऱ्या रस्त्यावर जड वाहनांना बंदी घालण्यात आली आहे. वाहतूक शाखेने याबाबत कळवले आहे.
