Pune News : पुणे : फिनिक्स मॉलच्या सातव्या मजल्यावरुन पडून खासगी वित्तीय संस्थेच्या कर्मचाऱ्याचा मृत्यू झाल्याची धक्कादायक घटना विमाननगर परिसरात शुक्रवारी (ता.२२) सायंकाळी घडली आहे.
विमानतळ पोलीस ठाण्यात अकस्मात मृत्यूची नोंद
रिचर्ड एबल झकेरिया (वय २५, रा. फुलेनगर, येरवडा) असे मृत्युमुखी पडलेल्या तरुणाचे नाव आहे. याप्रकरणी विमानतळ पोलीस ठाण्यात अकस्मात मृत्यू अशी नोंद करण्यात आली आहे.
पोलिसांनी दिलेल्या माहितीनुसार,विमाननगर येथील फिनिक्स मॉलच्या वाहनतळाच्या आवराात सातव्या मजल्यावरुन पडून एक तरुण गंभीर जखमी झाल्याची माहिती पोलीस नियंत्रण कक्षाला मिळाली होती. या घटनेची माहिती मिळताच पोलिसांनी घटनास्थळी धाव घेतली. (Pune News) पोलीस तातडीने घटनास्थळी दाखल झाले. पोलिसाने तातडीने जखमीला ससून रुग्णालयात दाखल केले. मात्र डॉक्टरांनी उपचारांपूर्वीच त्याचा मृत्यू झाल्याचे घोषित केले.
दरम्यान. रिचर्ड हा विमाननगर भागातील एका खासगी वित्तीय संस्थेत कामाला होता. शुक्रवारी सकाळी तो कामावर आला होता. तो फिनिक्स मॉलमध्ये सायंकाळी गेला. (Pune News) तो सातव्या मजल्यावरुन नेमका कसा पडला, याबाबतची माहिती मिळाली नाही. या घटनेचा पुढील तपास विमाननगर पोलीस ठाण्याचे वरिष्ठ पोलीस निरीक्षक विलास सोंडे यांच्या मार्गदर्शनाखाली सहायक निरीक्षक देशमुख तपास करत आहेत.
अधिक बातम्या वाचण्यासाठी येथे क्लिक करा :
Pune News : कर्वेनगरमध्ये पीएमपी बसचे ब्रेक फेल
Pune News : पुण्यात खासगी कोचिंग क्लासच्या शिक्षकाने विद्यार्थिनीचा वर्गातच केला विनयभंग
