यवत येथे अज्ञात वाहनाच्या धडकेत एकाचा मृत्यू

राहुलकुमार अवचट

यवत: पुणे सोलापूर राष्ट्रीय महामार्गावर अपघाताचे सत्र सुरूच असून यवत गावच्या हद्दीत अज्ञात वाहनाच्या धडकेत एकाचा मृत्यू झाल्याची घटना घडली आहे. याबाबत अधिक माहिती अशी की रात्री 12.30 च्या सुमारास दत्तात्रय भगवान वैद्य ( रा. सोलापूर ) हे एम एच 13 इ.सी 4329 आपला ट्रॅक वाघोली वरून सोलापूर कडे घेऊन जात होते. यावेळी यवत गावच्या हद्दीतील हॉटेल कामत जवळ रस्त्याच्या कडेला ट्रक उभा करून खाली उतरून रस्ता ओलांडत असताना त्यांना अज्ञात वाहनाने जोरदार धडक दिली.

धडक देऊनही सदर वाहन चालकाने वाहन थांबवता तेथून पोबारा केला. घटनेची माहिती मिळताच यवत पोलीस स्टेशनचे कर्मचारी, श्रीदत्त ॲम्बुलन्सचे चालक समीर अन्सारी, विष्णू राजपूत झाले परंतु धडक एवढी जोरात होती की दत्तात्रय भगवान वैद्य यांचे शरीराचे अक्षरशः तुकडे झाले होते. याबाबतची फिर्याद संगीता कैलास काकडे यांनी यवत पोलीस स्टेशन येथे दिली असून अज्ञात वाहनचालकाच्या विरोधात गुन्हा दाखल करण्यात आला असून याबाबत पुढील तपास सहाय्यक पोलीस निरीक्षक गोसावी या करत आहेत.