लोणी काळभोर, ता. 8: शिवणकामासाठी ड्रेसचे कापड टेलरकडे घेऊन जात असताना एका महाविद्यालयीन तरुणीशी (Loni Kalbhor News) लगट करून लिप्टमध्ये छेडछाड केल्याची घटना घडली आहे. ही घटना लोणी स्टेशन (कदमवाकवस्ती, ता. हवेली) परिसरात मंगळवारी (ता.7) रात्री आठ वाजण्याच्या सुमारास घडली आहे. मुलीने आरडाओरडा केल्याने जमलेल्या नागरिकांनी संबंधित तरुणाला चांगला चोप दिला आहे.
याप्रकरणी 20 वर्षीय तरुणीने लोणी काळभोर पोलीस ठाण्यात फिर्याद दिली आहे. त्यानुसार विशाल लक्ष्मण चाफेकर (वय -24, रा. कदमवाकवस्ती, ता. हवेली) याच्यावर गुन्हा दाखल करण्यात आला आहे. पोलिसांनी दिलेल्या माहितीनुसार, फिर्यादी या कदमवाकवस्ती परिसरात कुटुंबासोबत राहतात. त्या पुण्यातील एका महाविद्यालयात द्वितीय वर्ष वाणिज्य शाखेत शिक्षण घेत आहेत. फिर्यादी या मंगळवारी कपडे शिवायला टाकण्यासाठी घेवून जात होत्या तेव्हा ही घटना घटना घडली.
दरम्यान, लोणी स्टेशन परिसरातील एका इमारतीच्या लिफ्टमध्ये फिर्यादी व आरोपी विशाल चाफेकर हे दोघे एकत्र होते. तेव्हा आरोपी म्हणाला की, तुला चार-पाच वेळा पाहीले आहे. “तुला गोल चष्मा चांगला वाटत नाही चौकोणी चष्मा बनव.’ यावेळी फिर्यादी यांनी बोलण्याकडे दुर्लक्ष केले होते. त्यानंतर फिर्यादी घराकडे चालत जात असताना, आरोपी विशाल चाफेकर हा मागेमागे आला. हातातील दुधाच्या पिशवी ने हातवारे करुन तुझ्याशी आता बोलायचे आहे. असे म्हणून हाताने फिर्यादी यांचा रस्ता अडवला.
पिडीतेने याप्रकरणी लोणी काळभोर पोलीस ठाण्यात फिर्याद दिली आहे. त्यानुसार आरोपी विशाल चाफेकर याच्यावर भारतीय न्याय संहिता कलम 78 (2) ,126 (2) प्रमाणे गुन्हा दाखल करण्यात आला आहे. पुढील तपास लोणी काळभोर पोलीस ठाण्याचे पोलीस उपनिरीक्षक अनिल जाधव करत आहेत.
