लोणी काळभोर, ता. 14 : लोणी काळभोर (ता. हवेली) (Loni Kalbhor) परिसरातील मूलभूत सुविधांच्या विकासासाठी आणखी एक पाऊल टाकत अंबरनाथ मंदिर परिसरात पेव्हिंग ब्लॉक बसविणे तसेच राहिंज वस्ती येथे रस्त्याच्या कामाचा शुभारंभ करण्यात आला. या विकासकामांमुळे गावाला गती मिळणार आहे.
या विकासकामांचा भूमिपूजन सोहळा शुक्रवार (ता. 13) मोठ्या उत्साहात पार पडला. यावेळी जिल्हा परिषद सदस्या शितल सुजित कांबळे व पुणे कृषी उत्पन्न बाजार समितीचे संचालक प्रशांत काळभोर यांच्या हस्ते भूमिपूजन करण्यात आले. यावेळी माजी जिल्हा परिषद सदस्य संजय गायकवाड, लोणी काळभोरचे माजी सरपंच शरद काळभोर, भोलेनाथ शेलार, प्रशासक सरपंच नागेश काळभोर, राजाराम काळभोर, राहुल काळभोर आदी मान्यवर उपस्थित होते.
अंबरनाथ मंदिर परिसरात नागरिकांच्या सोयीसाठी पेव्हिंग ब्लॉक बसविण्याचे काम हाती घेण्यात आले असून यामुळे परिसरातील रस्ते अधिक सुस्थितीत होणार आहेत. तसेच राहिंज वस्ती येथे दत्ता शेंडगे यांच्या घरापासून महादेव कुंभार यांच्या घरापर्यंत नवीन रस्ता तयार करण्यात येणार आहे. या कामामुळे स्थानिक नागरिकांची दीर्घकाळची मागणी पूर्ण होणार असून परिसरातील वाहतूक व दैनंदिन ये-जा सुलभ होणार आहे.
यावेळी बोलताना शितल कांबळे म्हणाल्या की, गावाच्या सर्वांगीण विकासासाठी अशा कामांना प्राधान्य दिले जाईल. गावातील रस्ते, पाणी, स्वच्छता आणि इतर मूलभूत सुविधांबाबत टप्प्याटप्प्याने कामे हाती घेऊन नागरिकांना अधिक चांगल्या सुविधा उपलब्ध करून देण्याचा प्रयत्न केला जाईल, असेही त्यांनी नमूद केले.
यावेळी लोणी काळभोरचे माजी सरपंच आण्णासाहेब काळभोर, राजेंद्र काळभोर, ज्ञानेश्वर काळभोर, हेमंत गायकवाड, बाळासाहेब काळभोर, पांडुरंग केसकर, गुरुदेव काळभोर, अमोल कोळपे, सुभाष काळभोर , रमेश भोसले , युवराज काळभोर, ग्रामपंचायत अधिकारी सतीश गवारी, अजय काळभोर, नितीन जगताप, सतीश काळभोर, विश्वनाथ रुपनर, नेता केसकर, गोरख मोरे आणि ग्रामस्थ मोठ्या संख्येने उपस्थित होते.
