लोणी काळभोर, ता.3: पुणे सोलापूर राष्ट्रीय महामार्ग वरून केळीचा माल घेऊन जाणारा पिकअप पलटी झाल्याची घटना घडली आहे. ही घटना कदमवाकवस्ती (ता.हवेली) (Kadamwakvasti News) येथील एमआयटी कॉर्नर परिसरात मंगळवारी (ता.3) सहा वाजण्याच्या सुमारास घडली आहे. या अपघातात लोणी काळभोर पोलीस ठाण्यातील होमगार्ड सह दोघेजण जखमी झाले आहेत.
मिळालेल्या माहितीनुसार, मद्य धुंद चालक हा पुणे सोलापूर महामार्गावरून पिक अप मधून केळीची वाहतूक करीत होता. तो सोलापूर कडून पुण्याच्या दिशेने चालला होता. एमआयटी कॉर्नर जवळ त्याचा पीक अप वरील ताबा सुटला. आणि पीककप रस्त्यावर पलटी झाला. यावेळी धुलीवंदनाच्या पार्श्वभूमीवर एमआयटी चौकात कर्तव्य बजावत असलेला एक होमगार्ड व एक नागरिक जखमी झाला आहे. तोपर्यंत सामाजिक कार्यकर्ते विशाल वेदपाठक यांनी चालक, व जखमींना बाहेर काढण्याचा सर्वोतोपरी प्रयत्न केला.
पाहा व्हिडीओ:
View this post on Instagram
या अपघाताची माहिती मिळताच, लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे सहायक पोलीस निरीक्षक कृष्णा बाबर, अरुण जाधव, पोलिस हवालदार महेश चव्हाण, रवी आहेर, वैजीनाथ शेलार, पोलिस अंमलदार शिवाजी दरेकर व त्यांचे सहकारी तातडीने घटनास्थळी दाखल झाली. पोलिसांनी जखमींना त्वरित लोणी काळभोर येथील विश्वराज हॉस्पिटलमध्ये उपचारासाठी दाखल केले असून त्यांची प्रकृती स्थिर असल्याची माहिती मिळत आहे.
दरम्यान, लोणी काळभोर वाहतूक पोलिसांनी चौकात झालेले वाहतूक कोंडी सोडवली. आणि पुन्हा महामार्ग मोकळा केला असून आता पुन्हा वाहतूक सुरळीत सुरू आहे.
