नाशिक: नाशिकच्या मध्यवर्ती भागात भरदिवसा घडलेल्या एका (Nashik News) धक्कादायक घटनेने शहर हादरले आहे. महापालिकेच्या राजीव गांधी भवन परिसरात एका तरुणाने स्वतःच्या पत्नीवर (Crime News) चारित्र्याच्या संशयातून जीवघेणा हल्ला केल्याची घटना समोर आली आहे. 22 वर्षीय रोजमीन शेख हिला तिचा पती Sameer Pathan याने मारहाण करत तिच्यावर कार घालून ठार मारण्याचा प्रयत्न केल्याचा आरोप आहे. (Latest Marathi News)
गुरुवारी दुपारी दोघेही आधार कार्डवरील नाव दुरुस्तीसाठी महापालिकेत आले होते. यावेळी पतीने तिचा मोबाईल तपासला आणि सोशल मीडियावरील चॅट पाहून त्याला संशय आला. यानंतर संतापलेल्या पतीने सार्वजनिक ठिकाणीच पत्नीला मारहाण करण्यास सुरुवात केली. पुढे तिला जबरदस्तीने कारमध्ये बसवूनही मारहाण सुरूच ठेवली आणि ठार मारण्याची धमकी दिली.
घाबरलेल्या महिलेने चालत्या गाडीतून उडी मारत जीव वाचवण्याचा प्रयत्न केला. मात्र आरोपीने तिचा पाठलाग करत “गाडीखाली चिरडतो” अशी धमकी देत थेट कार तिच्या अंगावर घातली. सुदैवाने ती जोरात बाजूला फेकली गेल्याने तिचा जीव वाचला, पण ती गंभीर जखमी झाली आहे.
या प्रकाराने परिसरात एकच खळबळ उडाली. नागरिकांनी मदतीसाठी धाव घेतली, मात्र तोपर्यंत आरोपी घटनास्थळावरून फरार झाला होता. जखमी महिलेनंतर सरकारवाडा पोलीस ठाण्यात तक्रार दाखल केली असून पोलिसांनी आरोपीविरोधात गंभीर कलमांखाली गुन्हा नोंदवला आहे.
पोलिसांसमोर आरोपीला लवकरात लवकर अटक करून कडक कारवाई करण्याचे आव्हान आहे, तर समाजासमोर अशा मानसिकतेविरोधात उभे राहण्याची गरज अधिक तीव्र झाली आहे.
