लोणी काळभोर, (पुणे) : लोणी काळभोर येथील प्रताप ग्रामीण बिगर शेती सहकारी पतसंस्थेच्या अध्यक्षपदी गुरुदेव दत्तात्रय काळभोर, तर उपाध्यक्षपदी अजय सोपान काळभोर यांची बिनविरोध निवड झाली आहे. तसेच राजमाता महिला नागरी सहकारी पतसंस्थेच्या अध्यक्षपदी सुनिता चंद्रकांत काळभोर यांची तर उपाध्यक्षपदी कविता मस्कु पिंगळे यांची बिनविरोध निवड करण्यात आली.
लोणी काळभोर येथील संस्थेच्या कार्यालायात अध्यक्ष व उपाध्यक्षपदासाठी रविवारी (ता. 21) निवडणूक प्रक्रिया पार पडली. या निवडणूक प्रक्रियेत अध्यक्षपदासाठी गुरुदेव दत्तात्रय काळभोर व उपाध्यक्ष पदासाठी अजय सोपान काळभोर यांचा एकमेव अर्ज आला होता. तसेच राजमाता महिला नागरी पतसंस्थेच्या अध्यक्षपदी सुनिता काळभोर व कविता पिंगळे यांचाही प्रत्येकी एकमेव अर्ज आला होता. त्यामुळे निवडणुक निर्णय अधिकारी यांनी अध्यक्ष व उपाध्यक्ष यांची बिनविरोध निवड झाल्याची घोषणा केली.
कृषी उत्पन्न बाजार समितीचे संचालक प्रशांत काळभोर यांनी दोघांचाही सत्कार करून पुढील वाटचालीसाठी शुभेच्छा दिल्या. यावेळी जिल्हा परिषद सदस्या शितल कांबळे, लोणी काळभोरच्या माजी सरपंच वंदना प्रशांत काळभोर, सरपंच प्रशासक नागेश काळभोर, प्रताप बोरकर, संजय गायकवाड, शरद काळभोर, राजाराम काळभोर, हेमंत गायकवाड, बाळासाहेब काळभोर, माजी सरपंच राहुल काळभोर, चंदर शेलार अण्णासाहेब काळभोर, राजाराम यशवंत काळभोर, ज्ञानेश्वर नारायण काळभोर, पांडुरंग केसकर युवराज काळभोर, गीताराम लांडगे, मिलिंद काळभोर, सचिन काळभोर नवनिर्वाचित पदाधिकाऱ्यांचा व संचालकांचा सत्कार मान्यवरांच्या उपस्थितीत करण्यात आला.
नवनिर्वाचित अध्यक्ष गुरुदेव काळभोर व सुनिता काळभोर पुणे प्राईम न्यूजशी बोलताना म्हणाले की, आगामी काळात संस्थेचा कारभार पारदर्शकपणे करणार आहे. शेतकऱ्यांना त्वरित पिक कर्जपुरवठा करणे, मध्यम मुदत कर्ज वाटप सुरु करणे व कर्ज पूर्ण भरलेल्या सभासदांना पुन्हा कर्ज उपलब्ध करून देणार आहे. तसेच संचालक मंडळ आणि सर्व सदस्यांना विश्वासात घेऊन संस्थेचा विकास करण्यासाठी प्रयत्न करणार आहे.
