विशाल शिंदे
पुणे: भोर तालुक्यातील केळवडे (Bhor News) गावच्या हद्दीत सातारा–पुणे महामार्गावर रविवारी (दि. २१) सकाळी साडेआठच्या सुमारास भरधाव रेसर (Pune Accident) दुचाकीने पादचाऱ्याला जोरदार धडक (Pune Crime) दिल्याची दुर्दैवी घटना घडली. या अपघातात भिमराव टोपाजी साळवे (वय ३५) यांचा उपचारापूर्वीच मृत्यू झाला, तर दुचाकी चालक जखमी झाला आहे.(Latest Marathi News)
मिळालेल्या माहितीनुसार, आरोपी चालक आपल्या ताब्यातील सुझुकी कंपनीच्या हायभुसा मॉडेलच्या रेसर दुचाकीवरून महामार्गावरून वेगात जात असताना वाहतूक नियमांकडे दुर्लक्ष करून निष्काळजीपणे वाहन चालवत होता. याच वेळी महामार्ग ओलांडण्यासाठी उभ्या असलेल्या भिमराव साळवे यांना दुचाकीची जोरदार धडक बसली. या धडकेत साळवे गंभीर जखमी झाले व त्यांचा मृत्यू झाला. अपघातात दुचाकी चालकालाही दुखापत झाली असून वाहनाचे नुकसान झाले आहे. या प्रकरणी फिर्यादी पराग मधुकर कोंडे यांनी दिलेल्या तक्रारीवरून गुन्हा दाखल करण्यात आला आहे. पुढील तपास राजगड पोलीस स्टेशन करत आहे.
