Urli Kanchan News: उरुळी कांचन, (पुणे) : आपल्या देशाची संस्कृती आणि परंपरा चालीरीती समजाव्या तसेच त्यांच्या कलागुणांना वाव मिळावा म्हणून उरुळी कांचन (ता. हवेली) येथील उन्नती कन्या विद्यालयात ‘जर्नी ऑफ डान्स’ या वार्षिक स्नेहसंमेलनाचे आयोजन करण्यात आले होते. यामध्ये मुलींनी विविध गाण्यांवर सादरीकरण केले. तसेच दिमाखदार शाही पोशाख परिधान करून ऐतिहासिक परंपरांना उजाळा दिला.
कार्यक्रमाचे दीपप्रज्वलन मानसोपचार तज्ञ डॉक्टर अपेक्षा नाईकरे यांच्या हस्ते झाले. यावेळी शाळेच्या अध्यक्षा नयॉन कांचन, संचालिका डॉ. नुपुर कांचन उपस्थित होत्या. या वार्षिक स्नेहसंमेलनासाठी विविध क्षेत्रातील मान्यवर, इतर शाळेचे मुख्याधापक, पालक, विद्यार्थी उपस्थित होते.
भारतीय नृत्याचा प्रवास कसा उलघडत गेला. यावर विद्यार्थिनींनी नृत्याच्या माध्यमातून प्रकाश टाकला. 100 इ. सनपासून सध्याच्या डिजिटल युगापर्यंतचा प्रवास कसा झाला त्याचे उत्कृष्ट सादरीकरण विद्यार्थिनींनी याद्वारे केले. स्नेहसंमेलनाची सुरुवात गणेश वंदनाने करून शिवतांडव मध्ययुग आदिवासी नृत्य, गोंधळ, लावणीनृत्य, कोळी, भांगडा, घुमर, मुद्रा नवरस, भारत नाट्यम रासलीला बॉलीवुड, बॉलीवूड इत्यादी सारख्या 28 नथ्यावर आधुनिक युगापर्यंतचा प्रवास रंगमंचावर सादर करण्यात आला. या सोहळ्यात हजारो प्रेक्षकांसमोर बालकलाकारांनी आत्मविश्वासाने विविध कला सादर करत उपस्थितांची मने जिंकली.
डॉक्टर अपेक्षा नाईकरे यांनी विद्यार्थिनींनी सादर केलेल्या या कार्यक्रमाचे कौतुक करून प्रशंसा केली. तसेच शाळा प्रशासन व कार्यक्रमाचे कौतुक करून अमूल्य असे मार्गदर्शन केले. यावेळी पालक वर्गाने मोठी गर्दी केली होती.
दरम्यान, या कार्यक्रमाचे नियोजन व्यवस्थापक आफरीन सय्यद यांच्या मार्गदर्शनाखाली सननायिका केतकी खोपे, मीनल गव्हाणे, योजना जगदाळे यांनी केले होते. कार्यक्रमाचे सूत्रसंचालन संयोजता मुगळे व विद्यार्थिनी तेजल बिरगळ यांनी केले. सर्व तांत्रिक बाबी ऐश्वर्या भोसले यांनी हाताळल्यानंतर नृत्यदिग्दर्शन अमृता कोळपकर, विशाखा पवार, शिरला हजारे व पल्लवी कटदरे यांनी केले. सर्व शिक्षक वर्ग व मदतनिसांकडून हा सोहळा उत्साहात पार पडला.
