पुणे: नाशिकमधील अशोक खरात प्रकरणाचा राजकीय परिणाम आता स्पष्टपणे दिसू लागला असून राज्य महिला आयोगाच्या अध्यक्षा रुपाली चाकणकर (Rupali Chakankar Resignation) यांनी अखेर आपल्या पदाचा राजीनामा दिला आहे. खरातसोबतचे फोटो आणि व्हिडिओ व्हायरल झाल्यानंतर वाढलेल्या दबावामुळे हा निर्णय घ्यावा लागल्याचे समोर येत आहे. (Breaking News)
रुपाली चाकणकर यांनी आपला राजीनामा राष्ट्रवादी काँग्रेसच्या नेत्या सुनेत्रा पवार यांच्याकडे सादर केला आहे. सुरुवातीला मुख्यमंत्री देवेंद्र फडणवीस यांनी राजीनाम्याचे संकेत दिल्याची चर्चा होती, मात्र अंतिम निर्णय हा राष्ट्रवादी काँग्रेसच्या स्तरावर घेण्यात आल्याची माहिती सूत्रांकडून समोर आली आहे. शुक्रवारी सकाळीच पक्षाकडून राजीनामा देण्याच्या सूचना मिळाल्यानंतर चाकणकर यांनी तातडीने हा निर्णय घेतल्याचे सांगितले जाते.
