Daund Accident: दौंड, (पुणे) : सेवा रस्त्यावरून निघालेल्या दुचाकीला इंडियन ऑईल गॅसच्या टेम्पोने पाठीमागून दिलेल्या धडकेत दुचाकीवरील एकाचा जागीच मृत्यू झाला तर एकजण गंभीर जखमी झाल्याची घटना घडली. पांढरेवाडी, मुकादमवाडी (ता. दौंड गावचे हद्दीतील इटरनेस प्रा. लि. कंपनीचे पाठीमागील सेवा रस्त्यावर शनिवारी (ता. 14) सायंकाळी सहा वाजण्याच्या सुमारास घडली आहे.
भरत संतोष जाधव (रा. मळद ता. दौड जि. पुणे) असे अपघातात मृत्यू झालेल्या इसमाचे नाव आहे. तर स्वप्नील दत्तात्रय सुतार (वय-21, व्यवसाय शेती, रा. मळद, ता. दौंड) असे जखमी दुचाकी चालकाचे नाव आहे. स्वप्नील सुतार यांनी दिलेल्या तक्रारीनुसार इंडियन ऑईल गॅसच्या टेम्पो चालक चंद्रकांत आसराजी शेंबडे (रा. धाखंटा ता. गेवराई जि. बीड) याच्यावर दौंड पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, शनिवारी (ता. 14) सायंकाळी सहा वाजण्याच्या सुमारास पांढरेवाडी गावचे हददीत इटरनेस प्रा. लि. कंपनीचे पाठीमागे सर्विस रोडवर स्वप्नील सुतार व भरत जाधव हे दोघेजण कुंजीरवाडी येथून चहा पत्ती घेवुन मळदकडे दुचाकी मोटार सायकलवरून निघाले होते.
यावेळी पाठीमागुन आयरश कंपनीचा इंडियण ऑईल गॅसचा टेम्पो नं MH/10/EJ/9111 हि वरील चालक चंद्रकांत शेंबडे याने त्याच्या ताब्यातील वाहन भरधाव वेगात चालवून वाहतुकीच्या नियमनाकडे दुर्लक्ष करून मोटर सायकलला पाठीमागुन जोरात धडक दिली. या अपघातात भरत जाधव याचे डोकीस, पोटावर, हाता-पायाला गंभीर व किरकोळ दुखापतीस होवुन मयत झाला. तर स्वप्नील सुतार यांना किरकोळ गंभीर व किरकोळ दुखापत झाली. तसेच मोटर सायकलचे नुकसानीस कारणीभुत झाला आहे.
दरम्यान, याप्रकरणी आरोपी वाहन चालक चंद्रकांत शेंबडे याच्यावर दौंड पोलीस ठाण्यात भारतीय न्याय संहिता कलम 106(1), 281, 125(a), 125(b), 324(4) तसेच मोटर वाहन अधिनियम 1988 कलम 184, 134, 177 नुसार कारवाई करण्यात आली आहे. तपास पोलीस हवालदार पठाण करीत आहेत
