Pimpri News : पिंपरी(पुणे); पाणी भरण्यासाठी इथे का आली, असे म्हणत एकाने पत्नीसह तिच्या बहिणीला मारहाण केल्याचा प्रकार समोर आला आहे. या प्रकरणी पिंपरी पोलिस ठाण्यात गुन्हा दाखल करण्यात आला आहे.
पिंपरी पोलिस ठाण्यात गुन्हा दाखल
याप्रकरणी महिलेने पिंपरी पोलिस ठाण्यात फिर्याद दिली आहे. (Pimpri News) त्यानुसार, महिलेचा पती आणि त्याच्या अन्य चार नातेवाईकांच्या विरोधात गुन्हा दाखल करण्यात आला आहे. हा प्रकार बुधवारी (दि. 28) पिंपरी येथे घडला.
पोलिसांनी दिलेल्या माहितीनुसार, फिर्यादी यांची बहीण घरासमोर पाणी भरत असताना फिर्यादी यांचा पती तिथे आला. ‘तू इथे काय करीत आहेस, तुला इथे कोणी बोलावलं आहे”, असे म्हणत त्याने फिर्यादीच्या बहिणीला शिवीगाळ केली. (Pimpri News) तसेच, आरोपीचे कुटुंबीयांनी फिर्यादीच्या घरी जाऊन त्यांची बहीण व फिर्यादी यांना मारहाण करत शिवीगाळ केली. तसेच, घरातून हाकलून देत घराला कुलूप लावले. पिंपरी पोलिस तपास करीत आहेत.
अधिक बातम्या वाचण्यासाठी येथे क्लिक करा :
Pimpri News : पिंपरीत राष्ट्रवादीच्या माजी नगरसेवकाच्या हत्येचा कट लावला उधळून
Pimpri News : कंपनीचे बनावट नियुक्तीपत्र देत सतरा जणांना 24 लाखांचा गंडा
