पुणे : पिंपरी-चिंचवडच्या सहआयुक्तपदी मनोज लोहिया यांची नियुक्ती शनिवारी (ता. १७) करण्यात आली आहे.
राज्याच्या गृहविभागाने भारतीय पोलिस सेवेतील वरिष्ठ पोलिस अधिकाऱ्यांच्या अंतर्गत बदल्या केल्या आहेत. यामध्ये कोल्हापूर परिक्षेत्राचे विशेष पोलिस महानिरीक्षक असलेले मनोज लोहिया यांची पिंपरी- चिंचवडचे सहआयुक्त पदावर नियुक्ती करण्यात आली आहे.
मनोज लोहिया यांच्याकडे महाराष्ट्र राज्य मार्ग परिवहन महामंडळाचे मुख्य सुरक्षा व दक्षता अधिकारी पद होते. ते पद आता पोलिस आयुक्त, पिंपरी-चिंचवड यांच्या आस्थापनेवर वर्ग करण्यात आल्याचे आदेशात नमूद आहे. पिंपरी-चिंचवड शहर पोलिस दलात यापूर्वी पोलिस आयुक्त हे प्रथम आणि अपर पोलिस आयुक्त हे दुसऱ्या क्रमांकाचे पद होते. मात्र, आता सहआयुक्त पद वर्ग केल्याने पोलिस आयुक्त पदानंतर सहआयुक्त हे पद असणार आहे.
