पुणे : यापुढे ट्रेनमध्ये प्रवास करताना रेल्वे पॅंट्री किंवा इतर विक्रेत्यांवर अवलंबून राहावे लागणार नाही कारण रेल्वमध्ये तुमच्या आवडीचे जेवण तुम्ही सहज मागवू शकता. आता तुम्ही कोणतेही अतिरिक्त अॅप्स डाउनलोड न करता व्हॉट्सअॅपद्वारे कोणत्याही आगामी स्टेशनवर जेवण ऑर्डर करण्यासाठी Zoop वापरू शकता.
.ट्रेनमध्ये तुम्हाला फक्त व्हॉट्सअॅप नंबरवर मेसेज करून तुमच्या आवडीचे जेवण तुमच्या सीटवर मिळेल. IRCTC ची फूड डिलिव्हरी सेवा Zoop ने वापरकर्त्यांना WhatsApp चॅटबॉट सेवा देण्यासाठी Jio Haptik सोबत भागीदारी केली आहे. ज्यामुळे वापरकर्त्यांना फक्त PNR नंबर वापरून प्रवासात ट्रेनच्या सीटवर सहजपणे जेवण ऑर्डर करता येईल.
तुम्ही व्हॉट्सअॅपद्वारे जेवण कसे ऑर्डर करू शकता हे खालील स्टेप्सच्या सहाय्याने जाणून घेऊ शकता
-तुम्ही WhatsApp वर जाऊन झूप चॅटबॉट नंबर +91 7042062070 वर मजकूर संदेश पाठवू शकता.
-हा नंबर तुम्ही सेव्ह करू शकता आणि जेव्हा तुम्हाला ऑर्डर करायची असेल तेव्हा त्याच्याशी चॅट करू शकता.
– Zoop सोबत चॅट सुरू करण्यासाठी तुम्ही [https://wa.me/917042062070] नेव्हिगेट करू शकता.
-तुमच्या फोनवर WhatsApp उघडा आणि फक्त ‘हाय’ टाइप करून Zoop क्रमांक +91 7042062070 वर पाठवा.
-त्यानंतर तुम्हाला Zoop कडून एक रिप्लाय मिळेल. ज्यामध्ये तुम्हाला फूड ऑर्डर करायचे आहे का?, पीएनआर स्टेटस तपासा, ऑर्डर ट्रॅक करा असे अनेक पर्याय मिळतील.
-जर तुम्हाला फूड ऑर्डर करायचे असेल तर तुम्हाला Order a Food या पर्यायावर क्लिक करावे लागेल.
-त्यानंतर तुम्हाला तुमचा 10 अंकी पीएनआर क्रमांक द्यावा लागेल.
-यानंतर तुम्हाला पीएनआर आणि इतर तपशीलांची पुष्टी करण्यास सांगितले जाईल.
-एकदा तुम्ही सर्व तपशील अचूक असल्याची पुष्टी केल्यावर, तुम्हाला तुमचे अन्न जिथे पोहोचवायचे आहे ते स्टेशन निवडण्यास सांगितले जाईल.
-स्टेशन निवडल्यानंतर, तुम्हाला ते रेस्टॉरंट निवडावे लागेल ज्यामधून तुम्हाला तुमचे जेवण ऑर्डर करायचे आहे.
त्यानंतर तुम्ही तुम्हाला हवी ती डिश निवडू शकता.
-एकदा तुम्ही ऑर्डर दिल्यानंतर, तुम्हाला तुमच्या ऑर्डरचा तपशील मिळेल आणि त्यानंतर तुम्हाला पेमेंट करण्यासाठी पुढे जावे लागेल. तुम्ही UPI, Netbanking इत्यादी सेवांद्वारे पेमेंट करू शकता.
