पुणे: चर्होलीतील वडमुखवाडी येथील (Nitin Gilbile Murder) व्यावसायिक नितीन गिलबिले यांच्या (Kisan Tapkir) खुनाचा तपास वेग घेत आहे. या प्रकरणातील तिघा (Pune News) आरोपींना पोलिसांनी अटक केली (Pune Crime) असून आता माजी नगरसेवक किसन तापकीर यांचाही या प्रकरणात सहभाग असल्याचे समोर आले आहे. त्यामुळे त्यांना संशयितांमध्ये समाविष्ट करण्यात आले असून राजकीय वर्तुळात मोठी खळबळ उडाली आहे.
नितीन शंकर गिलबिले वय 37 हे वडमुखवाडीतील व्यावसायिक होते. त्यांच्या खुनाच्या प्रकरणात अमित जीवन पठारे वय 35 राहणार पठारे मळा चर्होली, विक्रांत सुरेश ठाकूर राहणार सोळू तालुका खेड आणि सुमित फुलचंद पटेल वय 31 राहणार गायकवाडनगर दिघी या तिघांना पोलिसांनी अटक केली आहे. पोलिसांच्या माहितीनुसार 12 नोव्हेंबर रोजी वडमुखवाडीतील अलंकापुरम रस्त्यावर नितीन गिलबिले काही लोकांसोबत उभे असताना अमित पठारे आणि विक्रांत ठाकूर कारने तेथे आले. त्यांनी नितीन यांना कारमध्ये बसविले आणि कारमध्येच त्यांच्या डोक्यात गोळी झाडून त्यांचा खून केला. त्यानंतर ते तिथून पळून गेले.
या घटनेनंतर पोलिसांनी संशयितांचा पाठलाग करून ताम्हिणी घाट परिसरातून विक्रांत ठाकूर आणि सुमित पटेल यांना पकडले. त्यांच्याकडून गुन्ह्यात वापरलेली कार आणि मोबाईल जप्त करण्यात आले. मुख्य आरोपी अमित पठारे याला दिघी पोलिसांनी वाघोली येथून अटक केली. सुमित पटेल हा गोळीबाराच्या आधी व नंतर दोन्ही वेळेस आरोपींसोबत होता, त्यामुळे त्यालाही गुन्ह्यात सामील करण्यात आले आहे.
या खुनामागे जमीन व्यवहार आणि आर्थिक कारणे असल्याचे पोलिसांनी प्राथमिक तपासात सांगितले. पुढील तपासात माजी नगरसेवक किसन तापकीर यांचे नाव आरोपींकडून पुढे आल्याने तपासाची दिशा बदलली आहे. आर्थिक किंवा वैयक्तिक वाद तसेच तापकीर यांचा प्रत्यक्ष किंवा अप्रत्यक्ष सहभाग याची तपासणी सुरू आहे. तापकीर यांचे नाव समोर आल्यानंतर मोठी चर्चा सुरू झाली आहे. दिघी पोलिस त्यांचा शोध घेत आहेत.
