लोणी काळभोर: पुणे सोलापूर महामार्गावर लोणी काळभोर (Loni Kalbhor News) ग्रामपंचायत हद्दीतील शिवशक्ती (Pune News) सोसायटीकडे (Pune Accident) जाणाऱ्या वळणावर एसटी बस ने रिक्षाला पाठीमागून जोरदार धडक दिली. यावेळी तीन गाड्यांचा अपघात झाला.
या अपघातात रिक्षा पलटी होऊन रिक्षाचालक आणि आणखी दोनजण गंभीर जखमी झाले. बुधवारी (ता. 26) संध्याकाळी दहा वाजण्याच्या सुमारास पुण्याकडे जाणाऱ्या मार्गावर हा अपघात झाला आहे. अपघाताचे नेमके कारण अद्याप समजू शकले नाही . अपघातग्रस्त रिक्षा चालकाचे नावसुद्धा समजू शकले नाही.
मिळालेल्या माहितीनुसार, रिक्षाचालक नेहमीप्रमाणे प्रवाशांना सोडून परत येत असताना एसटी बसने पाठीमागून अचानक जोरदार धडक दिली. धडकेचा जोर इतका होता की रिक्षा रस्त्याच्या कडेला पलटी झाली. अपघातानंतर पलटी झालेली रिक्षा नागरिकांच्या मदतीने सरळ करण्यात आली आहे. अपघातानंतर स्थानिक नागरिकांनी जखमी रिक्षाचालकाला बाहेर काढले व उपचारासाठी जवळच्या रुग्णालयात दाखल केले. या घटनेत रिक्षाचा अक्षरशः चेंदामेंदा झाल्याचे दिसून येत आहे.
या घटनेची माहिती मिळताच लोणी काळभोर पोलीस ठाण्याचे पोलीस निरीक्षक रत्नदीप बिराजदार पोलीस हवालदार मंगेश नानापुरे पोलिस अंमलदार बालाजी बांगर व त्यांचे सहकारी तातडीने घटनास्थळी दाखल झाले. पोलिसांनी जखमींना लोणी काळभोर येथील सरकारी दवाखान्यात उपचारासाठी दाखल केले व अपघातातील वाहने बाजूला काढून महामार्ग मोकळा केला.
अपघाताचे नेमके कारण अद्याप अस्पष्ट असून पोलिस अधिक तपास करत आहेत. तसेच एसटीत किती लोक होते याची माहिती घेण्यात येत आहे. दरम्यान, अपघात पाहण्यासाठी नागरिकांनी मोठी गर्दी केली होती. त्यामुळे महामार्गाच्या दोन्ही बाजूनी वाहतूक कोंडी झाली होती.
सविस्तर वृत्त थोड्याच वेळात…
