पिंपरी: जुन्या भांडणाचा राग मनात धरून एका 24 वर्षीय तरुणावर चाकूने वार केल्याची घटना पिंपळे गुरव येथे 10 फेब्रुवारी रोजी घडली. या प्रकरणी सौरभ अनिल वाल्मिकी (वय 24 रा. पिंपळे गुरव) यांनी सांगवी पोलीस ठाण्यात फिर्याद दिली आहे. त्यानुसार राहुल भोसले (रा. पिंपळे गुरव) याच्यावर गुन्हा दाखल केला आहे.
पोलिसांनी दिलेल्या माहितीनुसार, आरोपी व फिर्यादी हे त्यांच्या एका मित्राच्या वाढदिवसाला गेले. वाढदिवस साजरा झाल्यानंतर फिर्यादी हे त्यांच्या दुचाकीवरून आरोपीला घरी सोडण्यासाठी गेले. त्यांनी आरोपीला घराजवळ सोडले असता आरोपीने सकाळी झालेल्या भांडणाचा रागणात धरून फिर्यादी अनिल यांना शिवीगाळ केली. तसेच त्यांच्यावर चाकूने वार करत जखमी केले. याप्रकरणी सांगवी पोलीस ठाण्यात गुन्हा दाखल झाला असून पोलीस पुढील तपास करत आहेत.
