भोसरी (पुणे): तरुणाच्या हातातून मोबाईल हिसकावून घेत पळून चोराला भोसरी पोलिसांनी अवघ्या एका दिवसात जेरबंद केले आहे. ही घटना भोसरी येथील अंकुशराव लांडगे सभागृहा जवळ शनिवारी 27 जानेवारीला घडली होती. भुषण प्रकाश वाघ (वय 26 रा.हिंजवडी, मुळ जळगाव) असे अटक करण्यात आलेल्या आरोपीचे नाव आहे. याप्रकरणी आविद सनाउल अन्सारी (वय 21 रा. भोसरी) यांनी फिर्याद दिली होती.
पोलिसांनी दिलेल्या माहितीनुसार, फिर्यादी हे जेवणासाठी पायी जात असताना आरोपीने फिर्यादीच्या हातातून त्यांचा 10 हजार रुपयांचा मोबाईल हिसकावून नेला होता. भोसरी पोलीस ठाण्यात फिर्यादी यांनी तक्रार दिल्यानंतर पोलिसांनी आरोपीचा तपास करत त्याला बेड्या ठोकल्या आहेत.
