Lonavala News : लोणावळा: जिल्हा परिषद शाळेत एका 7 वर्षीय मुलीवर 12 वर्षीय मुलाने लैंगिक अत्याचार केल्याची घटना उघडकीस आली आहे. या घटनेमुळे लोणावळ्यात खळबळ उडाली आहे. या प्रकरणी 28 जून रोजी लोणावळा ग्रामीण पोलिसात गुन्हा दाखल करण्यात आला आहे.
लोणावळ्यातील धक्कादायक घटना
याप्रकरणी पीडित मुलीच्या आईने लोणावळा ग्रामीण पोलीस ठाण्यात फिर्याद दिली आहे. संबंधीत अल्पवयीन मुलाला बाल कल्याण समितीसमोर आणण्यात आले होते. (Lonavala News) शिवाय, मुलीला तत्काळ वैद्यकीय तपासणीसाठी रुग्णालयात नेण्यात आले आहे. ही घटना 26 जून रोजी दुपारी शाळेच्या स्वच्छतागृहात घडली. लोणावळ्याजवळील ग्रामीण भागातील एका जिल्हा परिषद शाळेत ही घटना घडली आहे.
पोलिसांनी दिलेल्या माहितीनुसार, पीडित मुलगी आणि अल्पवयीन मुलगा हे एकाच शाळेत शिकतात . मुलाने मुलीचा हात जबरदस्तीने पकडून तिला मुलांच्या शौचालयात नेले आणि तेथे त्याने तिच्यावर लैंगिक अत्याचार केला. (Lonavala News) घटने दरम्यान पीडित मुलगी घाबरली आणि तिने आरडाओरडा केला. घरी परतल्यानंतर तिने तिच्या पालकांना सांगितल्यानंतर हा प्रकार उघडकीस आला आहे. या घटनेनंतर पोलीस ठाण्यात कलम पोस्को अंतर्गत गुन्हा दाखल करण्यात आला आहे. पुढील तपास लोणावळा ग्रामीण पोलीस करत आहेत.
अधिक बातम्या वाचण्यासाठी येथे क्लिक करा :
Lonavala News : लोणावळ्यानजिक घनदाट जंगलात हरविलेल्या चार तरुणांना शोधण्यात यश
Lonavala News : ‘चारधाम’ यात्रेचे आमिष दाखवत 37 जणांची केली फसवणूक ; दहा लाखांना घातला गंडा
