पुणे : मोटारीच्या धडकेत कारागृहातील वरिष्ठ अधिकारी जखमी झाल्याची घटना सोमवारी (दि. १) विमाननगर परिसरात घडली. या प्रकरणी विमानतळ पोलीस ठाण्यात मोटारचालकाविरुद्ध गुन्हा दाखल करण्यात आला आहे. सायबण्णा खंडाप्पा हरवाळकर (वय ३२, रा. लोहगाव) हे मोटारचालकाचे नाव आहे.
या अपघातात आनंदा शंकरराव कांदे (वय ५५, रा. येरवडा) जखमी झाले. त्यांना उपचारासाठी रुग्णालयात दाखल करण्यात आले आहे. अपघातात कांदे यांचे डोके आणि हाताला जखम झाली आहे. स्थानिक पोलिसांनी तातडीने त्यांना रुग्णालयात दाखल केले. तसेच मोटारचालकाला अटक केली.
