हडपसर- Hadapsar News : पुण्यातील कुसगाव डॅममध्ये एका दहा वर्षीय मुलगा बुडाल्याची दुर्दैवी घटना शुक्रवारी (ता. 5) घडली. आदर्श संतोष गायकवाड (वय 10, रा. वैद्यवाडी हडपसर, पुणे) असे पाण्यात बुडालेल्या मुलाचे नाव आहे. (Hadapsar News)
मावशीसोबत पाण्यात खेळायला उतरला अन् …
मिळालेल्या माहितीनुसार, आदर्श हा त्याची मावशी पल्लवी साळवे हिच्या फिरण्यासाठी कासारसाई धरणावर आला होता. कुसगाव डॅममध्ये तो आणि त्याची मावशी पाण्यात खेळण्यासाठी उतरले. पाण्याचा अंदाज न आल्याने तो पाण्यात बुडाला. घटनेची माहिती मिळताच पोलिसांना घटनास्थळी धाव घेतली.
वन्यजीव रक्षक मावळ संस्था आणि शिवदुर्ग मित्र लोणावळा तसेच गावकऱ्यांच्या मदतीने चिमुकल्याचा लगेच शोध सुरु केला. मुलगा सापडल्यानंतर त्याला तत्काळ उपचारासाठी रुग्णवाहिकेतून एका रुग्णालयात दाखल करण्यात आले. निलेश गराडे, भास्कर माळी, अविनाश कार्ले, विनय सावंत, अनिश गराडे आणि ग्रामस्त राजाराम केदारी आदींनी मुलाचा शोध घेण्यात मदत केली.
अधिक बातम्या वाचण्यासाठी येथे क्लिक करा :
