पुणे : महाराष्ट्रातील गोविंदांना सरकारी नोकरीत ५ टक्के आरक्षण मिळेल. अशी घोषणा मुख्यमंत्री एकनाथ शिंदे यांनी केली होती. गोविंदा पथकातील गोविंदांना पाच टक्के क्रिडा आरक्षण देण्याच्या सरकारच्या निर्णयाचा एमपीएससीच्या विद्यार्थ्यांनी शिवाजीनगर परिसरात या विद्यार्थ्यांना पत्ते, गोट्या, विटी दांडू आणि दोरीच्या उड्या मारुन खेळ खेळत या निर्णयाचा निषेध केला आहे.
मुख्यमंत्री एकनाथ शिंदे म्हणाले, “गोविंदाना सुट्टी आणि विमा पण दिला आहे. आमदार प्रताप सरनाईक आणि इतर लोकप्रतिनिधींनी दहीहंडीला खेळाच्या दर्जाची मागणी केली होती. ती मागणी मान्य करण्यात आली असून त्याचबरोबर सरकारी नोकरीत ५ टक्के आरक्षण मिळाले आहे. महाराष्ट्र गोविंदाचाही आहे. अपघात होऊ नये याची काळजी घ्या. प्रो कबडी प्रमाणे पुढच्या वर्षी प्रो गोविंदा होईल, असेही ते म्हणाले.
शिवाजीनगर परिसरात या विद्यार्थ्यांना पत्ते, गोट्या, विटी दांडू आणि दोरीच्या उड्या मारुन खेळ खेळत या निर्णयाचा निषेध केला आहे. तसेच अनेक खात्यातील जागा रिक्त असतानाही त्या भरल्या जात नाही आणि असे निर्णय घेऊन सरकार पोरखेळ करीत आहे. असे विद्यार्थ्यांचे म्हणणे आहे.
दरम्यान, मुख्यमंत्र्यांच्या या निर्णयाचं अनेकांनी स्वागत केलंय तर अनेकांनी त्याचा कडाडून विरोध केला आहे. राज्य सरकारने घेतलेला हा निर्णय केवळ काही शहरातील महानगरपालिका डोळ्यासमोर ठेवून घेतला. असल्याचा आरोप एमपीएससी समन्वय समितीचे विद्यार्थी करत आहेत. त्याचबरोबर हा निर्णय मागे न घेतल्यास रस्त्यावर उतरण्याचा सरकारला इशारा दिला आहे.
