Gautami Patil : पुणे : गृहमंत्री देवेंद्र फडणवीस यांनी कौतुकाची थाप देत लेशपाल जवळगे आणि हर्षद पाटील दोघांचेही नुकतेच अभिनंदन केले आहे. अशातच प्रसिद्ध डान्सर गौतमी पाटीलनेही ट्विट करत लेशपाल जवळगेचे कौतुक केले आहे. (Gautami Patil)
”लेशपाल , तुझ्यामुळे एक जीव वाचला, तुझे करावे तेवढे कौतुक कमीच आहे..! हि बातमी ऐकून मी घाबरून गेले खरंच तुझ्या धाडसाचे कौतुक वाटते, तू जीवनदान देण्याचे अमूल्य कार्य केले आहेस.” असं तिने सांगितले आहे. (Gautami Patil)
सदाशिव पेठेतील थरारक घटना पाहून अंगावर काटाच येतोय. तरुणी प्रेमसंबंध ठेवण्यास नकार देत असताना शंतनू जाधव या माथेफिरूने तिचा पाठलाग करून कोयत्याने वार करून संपवण्याचा प्रयत्न केला. त्या घटनास्थळी तरुणीला वाचवण्यासाठी लेशपाल जवळगे आणि हर्षद पाटील हे दोघे हिम्मत दाखवत पुढे आले आणि माथेफिरू तरुणाला पकडले.
दरम्यान, लेशपालने या थरारक घटनेत शंतनूच्या हातातील कोयता एका हाताने धरून त्याच्या अंगावर बॅग फेकण्याचे धाडस केले. या धाडसाचे सर्वत्र कौतुक होऊ लागले आहे.
