पुणे : कॅम्प परिसरातील ईस्ट स्ट्रीट परिसरात खासगी कार्यालयातून साडेपाच लाखांची रोकड चोरीला गेल्याचा प्रकार सोमवारी (दि. ३१) उघडकीस आला. यासंदर्भात सीसीटीव्ही फुटेजच्या साहाय्याने पोलिसांनी तपास जारी केला आहे. यासंदर्भात राजीव विश्वेश पटेल (रा. हडपसर) यांनी लष्कर पोलीस ठाण्यात फिर्याद नोंदवली आहे.
पटेल यांचे ईस्ट स्ट्रीट परिसरातील एका सोसायटीत कार्यालय आहे. कार्यालयीन कामासाठी तेथील कपाटात साडेपाच लाख रुपयांची रोकड ठेवली होती. कार्यालयाच्या खिडकीची काच सरकवून चोरटा आत घुसला व त्याने रोकड लांबवली. लष्कर पोलीस ठाण्यात याप्रकरणी गुन्हा दाखल करण्यात आला आहे.
