उरुळी कांचन (पुणे) : उरुळी कांचन येथील सामाजिक कार्यकर्ते सुनील अंकुश तुपे यांची भाजपच्या हवेली तालुका उपाध्यक्षपदी निवड झाली आहे. राज्याचे उच्च व तंत्र शिक्षण मंत्री चंद्रकांत पाटील यांच्या हस्ते तुपे यांना निवडीचे पत्र देण्यात आले.
या वेळी भाजपचे जिल्हाध्यक्ष शरद बुट्टे पाटील, जिल्हा बँकेचे संचालक प्रदीप कंद, महाराष्ट्र प्रदेश क्रीडा आघाडीचे पै. संदीप भोंडवे, पुणे कृषी उत्पन्न बाजार समितीचे संचालक रोहिदास उंद्रे, पश्चिम महाराष्ट्र भाजप व्यापार आघाडीचे अध्यक्ष विकास जगताप, भाजप युवा मोर्चाचे जिल्हाध्यक्ष संदीप सातव, महिला मोर्चा जिल्हाध्यक्ष पूनम चौधरी, हवेली तालुकाध्यक्ष शामराव गावडे, गणेश सातव, विजय जाचक, गणेश चौधरी, सिद्धेश हरपळे, भाजप उरुळी कांचन शहराध्यक्ष अमित कांचन आदी उपस्थित होते.
निवडीनंतर बोलताना सुनील तुपे म्हणाले, “पक्षाने दिलेली जबाबदारी पार पाडून पक्ष संघटना वाढीसाठी गावागावात काम करणार आहे. नवनिर्वाचित सर्व पदाधिकाऱ्यांना सोबत घेऊन तसेच वरिष्ठांच्या आदेशानुसार पक्ष वाढीसाठी सर्वतोपरी प्रयत्न करणार आहे.”
