सागर जगदाळे
Bhigwan News : भिगवण : मदनवाडी येथील तेजस एकनाथ देवकाते यांची पुणे जिल्हा भाजपच्या चिटणीसपदी निवड झाली. तेजस देवकाते हे भाजपच्या इंदापूर तालुका युवा मोर्चाचे अध्यक्ष म्हणून यापूर्वी कार्यरत होते. ते सध्या मदनवाडी ग्रामपंचायतीच्या सदस्यपदी दुसऱ्यांदा कार्यरत आहेत.
निवडीमुळे सर्वस्तरातून अभिनंदन
तेजस देवकाते यांनी यापूर्वी मदनवाडी ग्रामपंचायतीचे उपसरपंचपद भूषविले आहे. युवा मोर्चाचे अध्यक्ष म्हणून कार्यरत असताना त्यांनी प्रभावीपणे काम केले. निर्मल वारी अभियान, विविध आंदोलने, ‘मन की बात’, ‘परीक्षा पे चर्चा’, ‘हर घर तिरंगा अभियान’, ‘तिरंगा रॅली’, रक्तदान शिबिरे पक्ष नेतृत्वाने दिलेली जबाबदारी यशस्वीरीत्या पार पाडली. तसेच कुस्ती स्पर्धा, दहीहंडी महोत्सव यासारख्या विविध उपक्रमांचे आयोजन त्यांनी केले.
तालुक्यातील प्रभावी युवा कार्यकर्ता, उत्तम संघटन कौशल्य, सर्वपक्षीय पदाधिकाऱ्यांशी असलेला थेट जनसंपर्क आणि लढाऊ वृत्ती या त्यांच्या जमेच्या बाजू आहेत. (Bhigwan News) त्यामुळे पक्षाला त्यांच्या निवडीचा फायदा होणार आहे. या निवडीमुळे सर्व स्तरातून त्यांचे अभिनंदन केले जात आहे.
उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावकुळे, पालकमंत्री चंद्रकांत पाटील, माजी मंत्री हर्षवर्धन पाटील, आमदार राम शिंदे, राहुल कुल यांच्या मार्गदर्शनाखाली (Bhigwan News) आणि जिल्हाध्यक्ष वासुदेव काळे यांच्या नेतृत्वात देवकाते यांना काम करण्याची संधी यानिमित्ताने मिळाली आहे.
युवकांची मजबूत फळी भाजपसोबत उभी करणार
पक्षाने दिलेल्या संधीचा फायदा घेऊन युवकांची मजबूत फळी भाजपसोबत उभी करण्याचा निर्धार केला आहे. युवा मोर्चाच्या माध्यमातून केलेल्या कामाची पावती म्हणून फादर बॉडीमध्ये नियुक्ती मिळालेली आहे. माजी मंत्री हर्षवर्धन पाटील यांनी युवा मोर्चाच्या तालुका अध्यक्षपदी तसेच आता जिल्हा सचिवपदी काम करण्याची संधी दिली. त्याबद्दल त्यांचे मनापासून आभार.
– तेजस देवकाते, चिटणीस, भाजप पुणे जिल्हा.
अधिक बातम्या वाचण्यासाठी येथे क्लिक करा :
Bhigwan News : तरुणांच्या प्रसंगावधानामुळे कत्तलीसाठी नेणाऱ्या २५ वासरांना जीवदान!
Bhigwan News : भिगवण येथील रास्तारोको वर पोलिसांचा कडेकोट बंदोबस्त
