-सागर जगदाळे
भिगवण : भिगवण ग्रामपंचायतने कर्मचाऱ्यांची दिवाळी गोड केली आहे. एका महिन्याच्या वेतनाइतका बोनस कर्मचाऱ्यांना वाटप करण्यात आला आहे. सदरची रक्कम कर्मचाऱ्यांच्या बँक खात्यावर जमा करण्यात आली असल्याचे सरपंच दिपीका क्षीरसागर व उपसरपंच सत्यवान भोसले यांनी सांगितले.
हा निर्णय कामगारांच्या कल्याणासाठी आणि त्यांच्या आर्थिक स्थितीला बळकटी देण्यासाठी घेतला गेला आहे. या निर्णयामुळे ग्रा.प कर्मचाऱ्यांच्या कुटुंबांना दिवाळीच्या सणामध्ये आनंद आणि समृद्धी मिळणार आहे. विशेष म्हणजे दिवाळी पूर्वीच बोनस कर्मचाऱ्यांच्या खात्यावर जमा झाला आहे. त्यामुळे यंदाची दिवाळी धुमधडाक्यात साजरी होणार आहे. ग्रामपंचायत कर्मचारी वर्षभर गावासाठी, ग्रामपंचायत साठी काम करत असतात. अडचणीच्या वेळी रात्री अपरात्रीही ते कामकाज करत असतात त्यांच्या या कामाची दखल घेऊन त्यांना दिवाळी पूर्वीच एका महिन्याच्या पगाराएवढा बोनस देण्याचा निर्णय सर्वानुमते घेण्यात आला आहे.
ग्रामपंचायतीला कर्मचाऱ्यांप्रती सहानुभूती व आपुलकी असून सणासुदीच्या काळात बोनसच्या रूपाने कर्मचाऱ्यांचे मनोबल वाढवून त्यांना कामकाज करण्यासाठी प्रोत्साहन देणे गरजेचे आहे.
-मुमताज जावेद शेख, उपसरपंच -भिगवण
