बारामती : बारामती लोकसभा मतदारसंघातून सुप्रिया सुळे यांचा विजय झाल्यावर शहरात अजित पवार यांच्या कार्यकर्त्यांनी ‘आमचा विठ्ठल अजित पवारच’ अशा आशयाचे बॅनर लावले आहेत. बारामती लोकसभा निवडणुकीतील अटीतटीच्या लढतीत सुप्रिया सुळे यांच्या बाजूने पवार कुटुंब, तर अजित पवारांचे कुटुंब म्हणून राष्ट्रवादी अजित पवारांचे कुटुंब म्हणून पदाधिकारी व कार्यकर्ते ठाम उभे राहिले. मंगळवारी (दि. ४ जून) लागलेल्या निकालात सुप्रिया सुळे यांचा विजय झाला.
या वेळी अजितदादा गटाच्या कार्यकर्त्यांनी निकाल काहीही लागो ‘आमचा विठ्ठल अजित पवारच, सुरुवात तुमच्यापासून शेवटही तुमच्या सोबतच,’ अशा आशयाचे बॅनर विशाल जाधव यांनी कालव्यावरील रस्त्यावर लावल्याने सगळ्यांचे लक्ष वेधून घेत आहेत.
