लोणी काळभोर, (पुणे) : कदमवाकवस्ती येथील सामाजिक कार्यकर्ते व राष्ट्रीय हॉकी खेळाडू सतीश दत्तात्रय काळभोर यांनी स्वखर्चातून प्रभाग क्रमांक 4 मध्ये ठिकठीकाणी ज्येष्ठ नागरिकांना बसण्यासाठी लोखंडी बेंचचे वाटप केले आहे. सतीश काळभोर यांच्या पत्नी रुपाली काळभोर या कदमवाकवस्ती ग्रामपंचायतीच्या विद्यामान सदस्य असून 15 ऑगस्टचे औचित्य साधून सतीश काळभोर यांनी मान्यवरांच्या हस्ते या लोखंडी बेंचचे लोकार्पण केले.
यावेळी कदमवाकवस्तीचे माजी सरपंच चित्तरंजन गायकवाड, लोणी काळभोरचे माजी सरपंच राजाराम काळभोर, कदमवाकवस्तीचे उपसरपंच नासीरखान पठान, सोसायटीचे माजी अध्यक्ष दत्तात्रय काळभोर, संदेश काळभोर, अभिजित बडदे, अविनाश बडदे, स्वप्नीश कदम, चेतन काळभोर, शब्बीर पठाण, ज्ञानेश्वर नामुगडे, दीपक काळभोर, समीर खानसह आदी मान्यवर यावेळी उपस्थित होते.
याबाबत बोलताना सामाजिक कार्यकर्ते सतीश काळभोर म्हणाले, “जेष्ठ नागरिकांना बसण्यासाठी त्रास होत असल्याने या लोखंडी बेंचचे स्वखर्चातून वाटप केले आहे. सार्वजनिक मंडळे, मज्जीद, तसेच मंदिर परिसरात या बेंचचे वाटप करण्यात आले आहे. काही नागरिकांना गुडघेदुखीचा त्रास असल्याने खाली बसण्यासाठी त्रास होत होता. यासाठी सार्वजनिक ठिकाणी या बेंचचे मान्यवरांच्या हस्ते लोकार्पण करण्यात आले.
