धाराशिव: धाराशिव जिल्ह्यातील अंदुरुड गावात कुस्ती सामन्यात घडलेल्या धक्कादायक घटनेचा आणखी एक व्हिडीओ सध्या समोर आला आहे. धाराशिव येथे घडलेल्या घटनेत कुख्यात गुंड नीलेश घायवळवर एका पैलवानाने हल्ला केला. जगदंबा देवी मेळ्याचा भाग म्हणून आयोजित कुस्ती स्पर्धेदरम्यान ही घटना घडली. दहशतीसाठी ओळखल्या जाणाऱ्या नीलेश घायवळला कार्यक्रमादरम्यान सागर मोहोळकर नावाच्या पैलवानाने कानशिलात लगावली होती. या घटनेचा व्हिडिओ व्हायरल झाला होता, ज्यामध्ये कुस्तीच्या आखाड्यात मोहोळकर घायवालला कानशिलात लगावतांना दिसत आहे. वृत्तानुसार, अहिल्यानगर जिल्ह्यातील जामखेड गावातील कुस्तीगीर मोहोळकर घायवालजवळ गेला आणि त्याने कसला ही विचार न करता, कुख्यात गुंड नीलेश घायवळच्या कानशिलात लगावली.
घटनेनंतर निलेश घायवळच्या कार्यकर्त्यांनी सागरला जबर मारहाण सुरू केली. मात्र, घटनास्थळावरून पसार होण्यात सागर यशस्वी झाला. नव्या व्हिडिओत निलेश कुस्तीच्या आखाड्यात स्वागत फेरीत कार्यकर्त्यांनसोबत चालतांना दिसून येत आहे. तसेच, शेवटच्या 5 मिनिटांत पैलवान नीलेश घायवळच्या अंगावर धावून गेल्याचे पाहायला मिळत आहे.
पहा घटनेचा व्हायरल व्हिडीओ:
View this post on Instagram
वाशी पोलिसांनी सागर मोहोळकरविरुद्ध संबंधित कलमांखाली गुन्हा दाखल केला आहे. तथापि, मोहोळकरच्या कृतीमागील हेतू अद्याप अस्पष्ट आहे. नीलेश घायवाल हा एक कुख्यात गुंड आहे ज्याच्याविरुद्ध खून, खंडणी, दरोडा आणि दंगल यासह अनेक गुन्हे दाखल आहेत. तो पुण्यातील विविध गुन्हेगारी कारवायांमध्ये सहभागी असल्याचे समोर आले आहे. विशेष म्हणजे येथील कुस्ती स्पर्धेचे आयोजन निलेश घायवळ यानेच केल्याची माहिती आहे.
