Mumbai Pune Expressway : मुंबई-पुणे एक्सप्रेस वेवर भीषण अपघात झाल्याची घटना घडली आहे. खोपोलीजवळ बोरघाटात मध्यरात्रीच्या सुमारास खाजगी बसला हा अपघात झाला. यामध्ये बस चालकाचा जागीच मृत्यू झाला आहे . तर १० प्रवासी या दुर्घटनेत जखमी झालेत. ही बस मुंबईहून पुण्याच्या दिशेने निघाली होती.
यावेळी एका अज्ञात वाहनाने बसला जोरदार धडक दिली. या धडकेत बसचालकाचा जागीच मृत्यू झाला तर बस मधील १० प्रवासी गंभीर जखमी झाले आहेत. जखमींना तातडीने खोपोली आणि पनवेल एमजीएम रुग्णालयात दाखल करण्यात आले आहे. या बसमध्ये १५ ते २० असल्याची प्राथमिक माहिती आहे.
दरम्यान, घटनेची माहिती मिळताच पोलीस घटनास्थळी दाखल झाले. विविध यंत्रणांनी जखमी प्रवाशांना बाहेर काढून जखमींवर प्राथमिक उपचार केले. तसेच तातडीने जखमींना एमजीएम रुग्णालयात उपचारासाठी दाखल करण्यात आले आहे. अपघातानंतर महामार्गवर मोठी वाहतूक कोंडी झाली होती. वाहनांच्या लांबच लांब रांगा लागल्या होत्या. वाहतूक पोलिसांनी अपघात बस क्रेनच्या सह्हयाने बाजूला काढून महामार्गवरील वाहतूक सुरळीत करण्यात आली.
