मुंबई : दिवंगत शिवसेनाप्रमुख बाळासाहेब ठाकरे यांची मोठी सून जयश्री कालेलकर-ठाकरे यांचे काल सकाळी निधन झाले. त्यांच्यावर रुग्णालयात उपचार सुरु होते. जयश्री या प्रसिध्द मराठी नाटककार मधुसूदन कालेलकर यांच्या मुलगी होत. बाळासाहेबांचे सुपूत्र जयदेव ठाकरे यांच्या त्या पहिली पत्नी होत्या.
जयश्री कालेकर या जयदेव ठाकरे यांच्या पहिली पत्नी होत्या. जयश्री यांच्यावर कॅन्सरवर मुंबईत उपचार होते. टाटा रुग्णालयात त्यांच्यावर उपचार सुरु होते. दरम्यान जयश्री यांना रुग्णलयातून घरी आणण्यात आले होते. सोमवारी रात्री अचानक त्यांची प्रकृती खालावली आणि त्यांना मुंबईतील कोकिलाबेन रुग्णालयात दाखल करण्यात आले होते. अखेर काल सकाळी सात वाजता त्यांचे निधन झाले.
जयदेव ठाकरे यांची पहिली पत्नी जयश्री कालेकर यांचा घटस्फोट झाला होता. त्यानंतर ठाकरे कुटुंबीयांमध्ये वादाला सुरुवात झाली. घटस्फोटानंतर जयदेव ठाकरे यांनी स्मिता यांच्याशी लग्न केले. सध्या जयदेव ठाकरे आणि स्मिता ठाकरे हे शिवसेना फुटीनंतर शिंदे गटासोबत आहेत.
