Sanjay Raut : मुंबई : हॅलो बाळासाहेब, तुम्ही आम्हाला सांगितलं होतं की शिवसेना सत्तेसाठी जन्माला आलेली नाही. ज्या धनुष्यबाणाची आपण पूजा करत होतो, तो धनुष्यबाण स्वत:ला महाशक्ती म्हणवणाऱ्यांनी चोरला. पण तुम्ही खात्री बाळगा. आमचा कणा अजून मोडलेला नाही, तुम्हाला अपेक्षित असेलेली शिवसेना तुम्हाला लवकरच पाहायला मिळेल, असं आश्वासन संजय राऊत यांनी फोनद्वारे बाळासाहेबांना दिलं.(Sanjay Raut)
धनुष्यबाण स्वत:ला महाशक्ती म्हणवणाऱ्यांनी चोरला.
एकनाथ शिंदे यांनी उद्धव ठाकरे यांच्याविरोधात बंड केलं आणि शिवसेनेत फूट पडली. या घटनेला २१ जून रोजी एक वर्ष पूर्ण झालं. अशातच ठाकरे गटाकडून शिंदे गटातील आमदारांचा वारंवार गद्दार असा उल्लेख करण्यात येतो.(Sanjay Raut) या बंडाची ठाकरे गटाचे नेते खासदार संजय राऊत यांनी थेट शिवसेनाप्रमुख बाळासाहेब ठाकरे यांच्याकडे तक्रार केली आहे.
एका मराठी वाहिनीवरील कार्यक्रमातील एका सेगमेंटमध्ये तुम्हाला हव्या असलेल्या व्यक्तीला तुम्हाला फोन लावण्याची संधी मिळते. हा फोन काल्पनिक असतो. त्यामुळे तुम्ही हयात असलेल्या किंवा नसलेल्या व्यक्तीला हा फोन लावू शकता. या कार्यक्रमाचे सूत्रसंचालक अवधूत गुप्ते यांनी तुम्ही कुणाला फोन लावाल, असा प्रश्न विचारला. तेव्हा संजय राऊतांनी थेट बाळासाहेब ठाकरे यांना फोन लावला. या फोनमध्ये त्यांनी काही तक्रारी केल्या. तर काही आश्वासनं दिली आहेत.(Sanjay Raut)
बाळासाहेबांशी बोलताना संजय राऊत म्हणाले की, एक वाक्य तुम्ही नेहमी शिवसैनिकांना सांगायचा की आपण सत्तेसाठी जन्माला आलेलो नाही. तर सत्ता आपल्यासाठी जन्माला आलेली आहे. ते ध्यानात ठेवूनच आम्ही वाटचाल करू, असा शब्द राऊतांनी दिला. यापूर्वी भाजपचे खासदार नारायण राणे यांना या कार्यक्रमात आमंत्रित करण्यात आलं होतं.(Sanjay Raut) तेव्हा बाळासाहेब ठाकरे यांनी सांगितलं, नारायण याला खासदार करायचंय आपल्याला. मी फक्त त्यांचा शब्द पूर्ण केला, असं ते म्हणाले होते. नारायण राणे यांच्या टीकेलाही संजय राऊतांनी उत्तर दिलं आहे. हे महाशय खोटं बोलत आहेत. त्यांच्या ‘त्या’ वक्तव्यावर त्यांची खासदारकी जाऊ शकते, असं संजय राऊत म्हणाले.(Sanjay Raut)
