मुंबई : महाराष्ट्राच्या विकासासाठी पंतप्रधान नरेंद्र मोदी यांनी २२५ प्रकल्पांची घोषणा केली आहे. या प्रकल्पांच्या माध्यमातून राज्यातील तरुणांना रोजगाराच्या संधी उपलब्ध होणार असल्याची माहिती देखील नरेद्र मोंदी यांनी दिली आहे. मुंबईत रोजगार मेळावा आयोजित करण्यात आला. यावेळी नियुक्तीपत्रांचे वाटप करण्यात आले. यावेळी ते बोलत होते.
पंतप्रधान नरेद्र मोदी पुढे म्हणाले की, स्टार्टअप, लघु उद्योगांना संभाव्य आर्थिक मदत सरकार देत आहे. जेणेकरुन तरुणांना आपले कौशल्य दाखवण्याची संधी मिळेल. सरकारच्या प्रयत्नांमधून रोजगाराच्या संधी दलित, आदिवासी, महिलांना समान स्वरुपात उपलब्ध होत आहे.
तसेच गेल्या आठ वर्षात ८ कोटी महिला सेल्फ हेल्प ग्रुपशी जोडल्या गेल्या आहेत. त्यांना साडे पाच लाख कोटींची मदत देण्यात आली आहे. या ग्रुपशी जोडलेल्या महिला इतर महिलांनाही रोजगार देत आहेत, असे देखील मोदी यांनी सागितले.
दरम्यान, देशभरात पायाभूत सुविधा, माहिती-तंत्रज्ञान आणि इतर क्षेत्रांमध्ये सरकार मोठ्या प्रमाणात गुंतवणूक करत आहे. यामुळे रोजगाराच्या नव्या संधी निर्माण होत आहेत.
महाराष्ट्रात २ लाख कोटींपेक्षा जास्त २२५ प्रकल्प मंजूर करण्यात आले आहेत. या प्रकल्पांवर काम सुरु आहे किंवा सुरु होत आहे. महाराष्ट्रात रेल्वेसाठी ७५ हजार कोटी आणि रस्ते विकास प्रकल्पासाठी ५० हजार कोटींचा निधी देण्यात आला आहे, अशी माहिती देखील मोदींनी दिली.
