पुणे: महाराष्ट्र राज्य निवडणूक (Election Postponement) आयोगाने नगरपरिषद आणि नगरपंचायत निवडणुकीच्या कार्यक्रमात महत्त्वपूर्ण बदल केले आहेत. बारामती, फलटण आणि महाबळेश्वर या तीन महत्त्वाच्या नगरपरिषदांची निवडणूक प्रक्रिया न्यायालयीन प्रकरणांमुळे पुढे ढकलण्यात आली आहे.
राज्यातील नगरपरिषद आणि नगरपंचायत निवडणुकीचा प्रचार आज समाप्त होईल. दरम्यान, नियोजित वेळापत्रकानुसार मंगळवारी मतदान होणार आहे. फलटण आणि महाबळेश्वरसाठी जिल्हा न्यायालयात याचिका दाखल होत्या, दरम्यान, न्यायालयाने सुनावणीसाठी 8 दिवसांचा कालावधी मागितला आहे.
बारामती नगरपरिषदेमध्ये नगराध्यक्ष पदासह सात प्रभागांतील उमेदवारांविरोधात सत्र न्यायालयात याचिका दाखल होती. ज्यामुळे निवडणुका पुढे ढकलण्यात आल्या आहेत. निवडणूक आयोगाने कोणताही वाद टाळण्यासाठी ही प्रक्रिया पुढे ढकलली आहे. बारामतीसाठी 4 डिसेंबर रोजी नव्याने निवडणूक कार्यक्रम जाहीर केला जाणार आहे. समोर आलेल्या माहितीनुसार, फलटणमध्ये 20 डिसेंबर तर महाबळेश्वरमध्ये 21 डिसेंबर रोजी मतदान होईल. राज्यातील उर्वरित ठिकाणी 2 डिसेंबर रोजीच मतदान होणार आहे.
