Devendra Fadnavis : नागपूर : सध्या देवेंद्र फडणवीसांच्या गाण्याचा व्हिडीओ व्हायरल होतं आहे. आमदार संजय सावकारे यांच्या वाढदिवसाच्या कार्यक्रमात किशोर कुमार यांचं ‘नीले नीले अंबर पर’हे गाणं गाताना फडणवीस अगदी गमतीच्या मूड मध्ये दिसत होते. उपस्थितांसह टाळ्या वाजवत, उत्साहात फडणवीस गाणं गात होते.
यापूर्वी उपमुख्यमंत्री देवेंद्र फडणवीस यांनी सामी- सामी गाणं गायलं होतं. तर आणखी एका व्हायरल व्हिडीओमध्ये उपमुख्यमंत्री देवेंद्र फडणवीस हे श्रीवल्ली हे गाणं गातान दिसले होते. या व्हिडीओमध्ये देवेंद्र फडणवीस यांच्याबरोबरच गाण्याचे मूळ गायल जावेद अलीसुद्धा दिसत होते. दरम्यान विधानसभा व विधानपरिषदेचे हिवाळी अधिवेशन सध्या सुरु आहे. नागपुरात सुरु असलेल्या अधिवेशनात मराठा आरक्षण, अवकाळीची नुकसान भरपाई, बेरोजगारी, राज्याचा आर्थिक विकास अशा विविध मुद्द्यांवर विरोधक सत्ताधाऱ्यांना घेरताना दिसत आहेत.
देवेंद्र फडणवीसांनी विधिमंडळात आतापर्यंत अनेक महत्त्वपूर्ण विषयांवर भाष्य केलं आहे. ललित पाटील ड्रग्ज प्रकरणापासून ते ऑनलाईन बेटिंग प्लॅटफॉर्म्सपर्यंत विविध विषयावर फडणवीसांनी सरकारची भूमिका मांडली आहे. दुसरीकडे, अधिवेशनात काल सत्ताधारी व विरोधी पक्षातील आमदारांचे फोटोसेशन पार पडले. त्यानंतर मुख्यमंत्री एकनाथ शिंदे, उपमुख्यमंत्री देवेंद्र फडणवीस व शरद पवार गटाचे प्रदेशाध्यक्ष जयंत पाटील यांच्यात झालेले हास्यविनोद सध्या चर्चेचा विषय ठरले आहेत.
