मुंबई: आंतरराष्ट्रीय पातळीवरील वाढता तणाव आणि आर्थिक अनिश्चिततेमुळे भारतीय सराफा बाजारात सोने आणि चांदीच्या किमतींनी नवा उच्चांक गाठला आहे. बुलियन असोसिएशनने जाहीर केलेल्या ताज्या आकडेवारीनुसार, देशात २४ कॅरेट सोन्याचा दर प्रति १० ग्रॅमसाठी तब्बल Rs. 1,58,440 वर पोहोचला आहे (हा दर जीएसटीशिवाय आहे). सोन्यासोबतच चांदीच्या किमतीतही मोठी वाढ झाली असून, चांदीचा भाव प्रति किलो Rs. 2,72,650 इतका झाला आहे. आदल्या दिवसाच्या तुलनेत सोन्याच्या दरात किरकोळ बदल असला, तरी चांदी तब्बल Rs. 1,880 ने महागली आहे.
प्रमुख शहरांमधील आजचे प्रति १० ग्रॅम सोन्याचे दर (२४ कॅरेट आणि २२ कॅरेट):
-
मुंबई: २४ कॅरेट – Rs. 1,58,280 | २२ कॅरेट – Rs. 1,45,090
-
पुणे: २४ कॅरेट – Rs. 1,58,280 | २२ कॅरेट – Rs. 1,45,090
गेल्या तीन महिन्यांपासून मध्यपूर्व आशियात, विशेषतः अमेरिका आणि इराणमध्ये निर्माण झालेला वाद विकोपाला गेला आहे. शांतता कराराच्या चर्चा अपयशी ठरल्या असून होर्मुझच्या सामुद्रधुनीजवळ दोन्ही सैन्यांमध्ये झालेल्या चकमकीमुळे जागतिक बाजारात भीतीचे वातावरण आहे. या युद्धजन्य परिस्थितीमुळेआंतरराष्ट्रीय बाजारात डॉलर मजबूत झाला आहे. परिणामी, अमेरिकन डॉलरच्या तुलनेत भारतीय रुपया कमालीचा घसरला असून भारतात सोन्याची आयात करणे प्रचंड महाग झाले आहे.
याशिवाय युएस फेडरल रिझर्व्हच्या आर्थिक धोरणांमुळे जागतिक गुंतवणूकदार शेअर बाजाराऐवजी सोने आणि चांदीसारख्या सुरक्षित पर्यायांमध्ये गुंतवणूक करत आहेत. या दुहेरी संकटामुळे देशांतर्गत बाजारात मौल्यवान धातूंचे भाव सातत्याने वाढत आहेत.
