‘राजीनाम्याच्या बातम्यांमध्ये तथ्य नाही, मी मंत्रीपदाचा राजीनामा देणार नाही’; सुरेश गोपी यांची स्पष्टोक्ती

नवी दिल्ली: नुकत्याच झालेल्या लोकसभा निवडणुकीत केरळमध्ये पहिल्यांदाच भाजपने आपले खाते उघडले आहे. सुरेश गोपी यांच्या माध्यमातून भाजपला यश मिळाले आहे. त्यानंतर लगेच त्यांना राज्यमंत्री करण्यात आले आहे. दरम्यान, केरळमधील भाजपचे मंत्री सुरेश गोपी यांना मंत्रीपद नको असल्याच्या अफवा पसरल्या होत्या. तसेच त्यांना लवकरच मंत्रिमंडळातून मुक्त केले जाऊ शकते, अशी चर्चा सुरु होती.

आता सुरेश गोपींनी या बातम्यांचा इन्कार केला आहे. त्यांनी ट्विटरवर ट्विट करत म्हटले आहे की, ‘मी मोदी सरकारच्या मंत्रिपरिषदेचा राजीनामा देणार असल्याच्या चुकीच्या बातम्या काही मीडिया प्लॅटफॉर्म पसरवत आहेत. हे पूर्णपणे चुकीचे आहे. पंतप्रधान नरेंद्र मोदी यांच्या नेतृत्वाखाली आम्ही केरळच्या विकासासाठी आणि समृद्धीसाठी कटिबद्ध आहोत, असंही त्यांनी म्हटलं आहे.

A few media platforms are spreading the incorrect news that I am going to resign from the Council of Ministers of the Modi Government. This is grossly incorrect. Under the leadership of PM @narendramodi Ji we are committed to the development and prosperity of Kerala ❤️ pic.twitter.com/HTmyCYY50H

— Suressh Gopi (@TheSureshGopi) June 10, 2024