पाकिस्तान: भारतासाठी दिलासा दायक बातमी समोर आली आहे. भारतातील अनेक दहशतवादी हल्ल्यांचा सूत्रधार असलेला पाकिस्तानातील लष्कर-ए-तैयबाचा मोस्ट वाँटेड कमांडर अबू कताल सिंघी याचा अखेर खात्मा करण्यात आला आहे. मोस्ट वाँटेड कमांडर अबू कताल सिंघी याचा खात्मा झाल्यामुळे दहशतवाद्यांमध्ये लष्कर-ए-तैयबा आणि इतर दहशतवादी संघटनांमध्ये खळबळ उडाली आहे. ही घटना शनिवारी रात्री 8 च्या सुमारास घडल्याचे सांगण्यात येत आहे. २६/११ च्या मुंबई हल्ल्याच्या घटनेनंतर भारतीय तपास यंत्रणा या आतंकवादीच्या शोधात होती. मागच्या किती वर्षांपासून राष्ट्रीय तपास संस्थेने (एनआयए) अबू कताल सिंघीला मोस्ट वाँटेड दहशतवादी म्हणून घोषित केले होते.
२६/११च्या मुंबई हल्ल्याचा मास्टरमाइंड हाफिज सईदचा सर्वात विश्वासू म्हणून अबू कताल सिंघीची ओळख होती. २६/११च्या मुंबई हल्ल्यानंतरही भारतात मुख्यतः काश्मीर येथे झालेल्या अनेक दहशतवादी कारवायांमध्ये अबू कताल सिंघीचा हात होता. भारतात करण्यात आलेल्या दहशतवादी कटाची जबाबदारी खुद्द हाफिज सईदने अबू कताल सिंघी याला दिली होती.
अबू कतालला 2023 च्या राजौरी हल्ल्यासाठी जबाबदार धरले होते, जम्मू-काश्मीरमधील रियासी येथील शिव-खोडी मंदिरातून परतणाऱ्या यात्रेकरूंवर झालेला हल्ला अबू कताल सिंघीने घडवून आणला होता. 1 जानेवारी 2023 रोजी जम्मू-काश्मीर येथील धनगरी गावात नागरिकांवर केलेल्या हल्ल्याचा मास्टरमाइंड अबू कताल सिंघीच होता. अबू कताल सिंघीचा खात्मा हा भारतासाठी मोठा विजय मानला जात आहे. अबू कताल सिंघीच्या खातम्यामुळे भारतीय सुरक्षा यंत्रणांनी केलेल्या कडक कारवाईमुळे पाकिस्तानात दहशतीचे वातावरण पाहायला मिळत आहे.
