kulgam encounter : नवी दिल्ली : जम्मू काश्मीरमधील कुलगाममध्ये लष्कराला मोठं यश मिळालं आहे. कुलगाम जिल्ह्यात सुरक्षा दल आणि दहशतवादी यांच्यात चकमक झाली आहे. चकमकीदरम्यान, लष्कराने तीन दहशतवाद्यांचा खात्मा केला. पाच दहशतवाद्यांना घेरण्यात आले, अशी माहिती समोर आली आहे. गेल्या बुधवारी, सुरक्षा दलांनी घुसखोरीचा प्रयत्न हाणून पाडला आणि जम्मू-काश्मीरच्या उरी सेक्टरमध्ये नियंत्रण रेषेजवळ दोन अज्ञात दहशतवाद्यांना ठार केले.
भारतीय लष्कराला एलओसीजवळ काही हालचाल दिसली होती. सुरक्षा दलांनी घुसखोरांना आव्हान दिले. त्याला प्रत्युत्तर म्हणून दहशतवाद्यांनी जवानांवर हल्ला केला. परिणामी दोन्ही बाजूंनी गोळीबार सुरू झाला. आतापर्यंत सुरक्षा दलांनी दोन दहशतवाद्यांना ठार केले आहे. तरी अजुनही लष्कराकडून कारवाई सुरू आहे. २६ ऑक्टोबर रोजी कुपवाडा जिल्ह्यातील माछिल सेक्टरमध्ये नियंत्रण रेषेवर ५ दहशतवाद्यांचा खात्मा करण्यात आला होता. २२ ऑक्टोबर रोजी बारामुल्ला जिल्ह्यातील उरी सेक्टरमध्ये घुसखोरीचा प्रयत्न करताना दोन दहशतवादी ठार झाले होते. जूनमध्ये एकूण ११ घुसखोरांना ठार केले.
