नवी दिल्ली: न्यायमूर्ती सूर्यकांत (Justice Suryakant) यांनी आज भारताच्या 53 वे सरन्यायाधीश (CJI) म्हणून शपथ ग्रहण केली. राष्ट्रपती द्रौपदी मुर्मू यांनी राष्ट्रपती भवनात आयोजित समारंभात त्यांना पदाची शपथ दिली. न्या. सूर्यकांत पुढील 15 महिने सर्वोच्च न्यायालयाचे सरन्यायाधीश म्हणून कार्यभार सांभाळतील. त्यांनी निवृत्तीच्या उंबरठ्यावर असलेल्या CJI भूषण आर. गवई यांची जागा घेतली आहे.
संविधानाच्या कलम 124(4) अंतर्गत, विद्यमान सरन्यायाधीशांनी परंपरेनुसार सर्वात वरिष्ठ न्यायाधीशाला उत्तराधिकारी म्हणून निवडण्याची प्रथा पाळत न्यायमूर्ती सूर्यकांत यांचे नामांकन केले होते. राष्ट्रपतींनी या शिफारसीला मान्यता देत त्यांच्या नियुक्तीवर शिक्कामोर्तब केले.
हेही वाचा: गौरी गर्जे आत्महत्या प्रकरण: मुख्यमंत्री फडणवीसांची पहिली प्रतिक्रिया समोर; म्हणाले…
CJI गवई हे 65 व्या वर्षी निवृत्त होत आहेत. पदावरून पायउतार होण्यापूर्वी त्यांनी परंपरा कायम ठेवत सर्वोच्च न्यायालयातील वरिष्ठत्वानुसार न्यायमूर्ती सूर्यकांत यांनाच पुढील सरन्यायाधीशपदाची जबाबदारी सोपवली आहे.
हेही वाचा: पंकजा मुंडे यांचे पीए अनंत गर्जे यांच्या सासऱ्याने FIR मध्ये काय म्हटलंय? FIR समोर, वाचा…
