पुणे: सोन्या-चांदीच्या दरात गेल्या काही दिवसांत मोठी हालचाल पाहायला मिळत आहे. पंतप्रधान नरेंद्र मोदी यांनी गरज नसेल तर सोने खरेदी टाळण्याचे आवाहन केल्यानंतर सराफा बाजारातील व्यवहारांवर त्याचा परिणाम झाल्याचे दिसून येत आहे. मोदींनी स्वदेशी आणि देशांतर्गत खर्चाला प्राधान्य देण्याचे आवाहन केले होते.
आकडेवारीनुसार, 2 सप्टेंबर रोजी 24 कॅरेट सोन्याच्या दरात प्रति 10 ग्रॅम तब्बल 1,999 ची घट झाली. त्यामुळे सोन्याचा दर सुमारे 1.51 लाखांवर आला. त्याच दिवशी चांदीच्या दरातही प्रति किलो 2,023 ची घसरण नोंदवण्यात आली. विशेष म्हणजे, दोन दिवसांच्या कालावधीत सोन्याच्या दरात एकूण 4,651 आणि चांदीच्या दरात तब्बल ₹8,803 ची घट झाल्याचे दिलेल्या आकडेवारीतून दिसते. याआधीच्या व्यवहारातही सोने 2,652 आणि चांदी 6,780 ने स्वस्त झाली होती.
24 कॅरेट सोन्याचा भाव 1,51,184 प्रति 10 ग्रॅम आहे. 22 कॅरेट सोन्याचा दर 1,50,579, तर 20 कॅरेट सोन्याचा दर 1,38,485 आहे. 18 कॅरेट सोन्यासाठी 1,13,388 आणि 14 कॅरेट सोन्यासाठी 88,443 प्रति 10 ग्रॅम दर नोंदवण्यात आला आहे. पुणे, मुंबई, ठाणे, रत्नागिरी, नागपूर, कोल्हापूर, छत्रपती संभाजीनगर, जळगाव, सांगली आणि बारामती या शहरांमध्ये 24 कॅरेट सोन्याचा दर 1,51,184 प्रति 10 ग्रॅम आहे.
मात्र, सोन्याच्या दरातील ही घसरण केवळ पंतप्रधानांच्या आवाहनामुळेच झाली असे म्हणता येणार नाही. आंतरराष्ट्रीय बाजारातील घडामोडी, डॉलरची स्थिती, अमेरिकेतील व्याजदराच्या अपेक्षा आणि कच्च्या तेलाच्या किमती यांचाही मौल्यवान धातूंच्या दरावर परिणाम होतो.
