पुणे: सध्या सराफा बाजारात (Gold Rate) मोठी अस्थिरता निर्माण झाली असून सोन्या-चांदीच्या किमती तेजीने खालीवर येत आहेत. अमेरिकेतील आर्थिक घडामोडींचा थेट फटका भारतीय बाजारपेठेला बसत आहे. ज्यामुळे ही अस्थिरता पाहायला मिळत आहे. अमेरिकन अर्थव्यवस्था जास्त मजबूत असल्याचे संकेत मिळत असल्याने डॉलर वधारला आहे. जेव्हा डॉलर मजबूत होतो, तेव्हा आंतरराष्ट्रीय बाजारात सोन्यावर दबाव वाढतो.
जागतिक बाजारपेठेचे लक्ष सध्या अमेरिकेतील महागाईचे आकडे आणि फेडरल रिझर्व्हच्या धोरणांकडे लागले आहे. गेल्या काही दिवसांत चांदीच्या दरात मोठी घसरण झाली आहे. MCX वर चांदी सुमारे 5,532 रुपयांनी (2.2%) स्वस्त झाली आहे. सोन्याच्या बाबतीत बोलायचे झाले तर, दरात वाढ पाहायला मिळाली.. दरम्यान, या आठवड्यात हिच स्थिती कायम राहण्याची शक्यता आहे.
